मुगु न्युज डट कम---------------------
मुगु ,२१ पौष--
जिल्ला खेलकुद विकास समितीले गत र्आिर्थक बर्ष २०७०÷७१ र चालु आंब २०७१÷०७२ मा जिल्लामा खेदकुद सम्वन्धि गतिविधी सञ्चालन गर्न विभिन्न शिर्षकमा आएको बजेट विना काम सिध्याएको खुलासा भएको छ ।
जिल्ला खेलकुद विकास समितीसंग सम्वद्घ सो्रतका अनुसार गत बर्ष आएको खेल मैदान निर्माण शिर्षकको १ लाख ५० हजार,खेल गतीविधीमा १ लाख,सुचना केन्द्रमा ५० हजार राष्टपति रनिङ्ग शिल्ड प्रतियोगिता गर्न भनी आएको २ लाख ६५ हजार गरि ५ लाख ६५ हजार र यो बर्षको प्रथम चौमासिकमा आएको नौविस खेल मैदान निमार्ण गर्न १ लाख ५० हजार , श्रीनगर गमगढीमा खेल मैदान निमार्ण गर्न १ लाख ५० हजार, सुचना केन्द्रका लागि १३ हजार गरि ३ लाख १३ हजार समितीका अध्यक्ष लाल बहादुर रावत र कोषाध्यक्ष हस्त बहादुर शाहीले अनियमिता गरेको पाईएको छ ।
गत बर्ष जिल्लामा राष्ट्रपति रनिङ्ग शिल्ड नभएपछि खर्च नभएको उक्त शिर्षकको रकम खेदकुद परिषदले फिर्ता पठाउन परिपत्र गरे पनि फिर्ता नपठाएर सिध्याईयो स्रोतले भन्यो । त्यस्तै खेल मैदान पनि बनाईएको छैन भने खेल गतीविधी गत बर्ष जिल्लामा शुन्य नै रहे । सुचना केन्द्रको नाममा समितीमा एउटा पुस्तक र पत्रिकासम्म छैन । सामान्य रुपमा हुनु पर्ने कार्यालय सम्पर्कको टेलिफोनसम्म छैन । सो्रतले बताए अनुसार आर्थीक अनियमिता र कारवाहीका लागी जिल्ला खेलकुद विकास समितीले मिती २०७१ पौष ८ गते जिल्ला प्रशासन कार्यालय मुगुमा र राष्ट्रिय खेलकुद विकास परिषद काठमाडौलाई मिती २०७१ पौष ९ गते पत्र पठाएको छ ।
जिल्ला सदरमुकाम गमगढीमा अहिलेसम्म खेल गतीविधि संचालन गर्न सार्वजनिक खेल मैदानसम्म छैन । खेलकुद समिती समितीमा मात्र सिमित छ उसको आयोजनामा कहिल्यै खेलकुदको आयोजना हुदैन । निजी स्तरबाट क्लव विध्द्यालय र कुनै दिवसमा संचालन हुने खेलकुद प्रतियोगीताहरु सदरमुकाममा रहेको महाकाली उच्च माविको चौरमा पठन पाठन बन्द गरेर संचालन हुदै आएका छन । अर्को तर्फ केन्द्रबाट खेलको विकास र त्यससंग सम्वन्धित पुर्वाधार निमार्णको लागी बजेट विनियोजित हुने तर जिल्लामा कामै नगरी कागज मात्र मिलाएर बजेट सिध्याउने गरिएको छ । हरेक चौमासिकमा राष्ट्रिय खेलकुद विकास परिषदबाट राष्टपति रनिङ्ग शिल्डमा खेलाईने खेल बाहेकका खेलकुद गतिविधी सञ्चालनका लागि डेढ लाखसम्म बजेट आउने गरे पनि खेलकुद विकास समितिका पदाधिकारीहरुको मिलेमतोमा रकम हिनामिना हुने गरेको स्रोतले बताएको छ । स्रोतका अनुसार अहिले यहि विषयमा कुरा चल्दा समितिका कार्यालय प्रमुख, प्रशिक्षक र समिति पदाधिकारीबीच द्धन्द्ध चर्किएको छ भने जिल्लामा गाविस , बाल क्लब, युवा क्लबले आयोजना गर्ने खेल गतिविधी बाहेक अन्य कुनै गतिविधी सञ्चालन हुन सकेका छैन । जिल्ला सदरमुकाममा अहिलेसम्म नत खुल्ला मञ्च छ नत खेल मैदान नै बन्न सकेको छ ।
मुगु न्युज डट कम---------------
असोज १९ मुगु--------------
दशैका अवसरमा आयोजना गरिएको महिला तथा फुटबल प्रतियोगिताको सेमि फाईनलको खेल प्रतिस्पर्धामा खेलाडीहरुबीच विवाद उत्पन्न भई हात हालहाल भए पछि प्रतियोगिता स्थगित भएको छ ।
असोज १४ गते देखि सुरु भएको प्रतियोगितामा सहभागि महिलाका चार समुह र पुरुषका चौध समुह सहभागि भएकोमा पुरुष तर्फको सेमि फाईनल खेलको पहिलो प्रतिस्पर्धाको खेलमा आयोजक एवान स्पोर्ट क्लब श्रीनगर ‘ए‘ र रेडपाण्डा युवा क्लब श्रीनगर ‘ए’ बीचमा प्रतिस्पर्धा भएको थियो । प्रतिस्पर्धाको पहिलो हाफमा एक एक गोलको बराबरीमा रोकिएको थियो । प्रतिस्पर्धाको दोस्रो हाफको अन्त्यमा रेडपाण्डाले थप एक गोलको अग्रता लिएको थियो । दोसो हाफको निर्धारित समय सकिन दुई मिनेट बाँकि रहँदा फुटबल खेल्दा खेल्दै धकेला धकेल भएपछि हात हालहालको अवस्था सिर्जना भएको थियो फुटबल मैदान तनाव ग्रस्त बनेको थियो । विवाद उत्पन्न भई तनाव सिर्जना भए पछि त्यहाँ खटिएको सुरक्षाकर्मिले तनाव नियन्त्रण गरे पनि खेलाडीबीचको विवाद मिल्ने अवस्था नभए पछि विवाद गर्ने दुवै फुटबल समुहलाई खेलबाटै हटाईएको र बाँकि रहेका महिला तथा पुरुष सेमी फाईनलका प्रतिस्पर्धा समेत तत्काल स्थगित गरिएको आयोजक एवान स्पोर्ट क्लबका अध्यक्ष जयप्रकाश मल्लले जानकारी दिए । एकै गाविसका यि दुवै फुटबल क्लब बलिया छन भने हरेक आयोजनामा अन्तिममा दुवै क्लबको प्रतिस्पर्धा हुने र विवाद पनि हुदै आएको छ ।
मुगु न्युज डट कम
माघ १८ मुगु
रारा शान्ति बाल क्लब गमगढीले सहिद दिवसका अवसरमा आयोजना गरिएको राराकप फुटबल प्रतियोगिताका खेलहरुमा धाँधली गरिएको भन्दै प्रतियोगितामा सहभागि भएका ए वान स्पोर्टस क्लब श्रीनगरले खेल बहिष्कार गरेको छ ।
माघ १४ गते देखि सुरु भएको प्रतियोगितामा सहभागि भएका नौं वटा समुहहरुमा लिक कम नक आउट प्रक्रियाद्धारा खेलाईएका खेलमा मुख्य रेफ्रि पारसमणि मल्लले एक तर्फि रुपमा प्रतियोगितामा पक्षपात गरेको भन्दै क्लबले प्रतियोगिता बहिष्कार गरेको जनाएको छ । आयोजक पनि आफै रेफ्रि पनि आफै रहेको तथा केहि रुपमा प्रतियोगितामा राजनीतिकरण गरिएको एवान स्पोर्टस क्लबले जनाएको छ । शुक्रबार भएको एवान र रारा शान्ति बालक्लब बिचको प्रतिस्पर्धामा पनि पक्षपात भएको भन्दै एवानले खेल विचमा नै छोडेको थियो ।
मुगु न्युज डट कम
माघ १४ मुगु -
सहिद दिवसको अवसरमा मंगलवार देखि सदरमुकाम गमगढीमा १८ वर्ष उमेर मनिको खुला फुटबल प्रतियोगिता सुरु भएको छ ।
गमगढी स्थित महाकाली नमुना उच्च माध्यामिक विद्यालयको खेल मैदानमा सुरु भएको प्रतियोगितामा ९ वटा बाल क्लबले सहभागिता जनाएका छन । रारा शान्ति बाल क्लब गमगढीले आयोजना सुरु भएको प्रतियोगिताको जिल्ला प्रशासन कार्यालय मुगुका प्रमुख जिल्ला अधिकारी बलभद्र गिरीले उद्घाटन गरेका थिए ।
सहिद स्मृति रारा कप फुटबल प्रतियोगिताको उदघाटन खेलमा आयोजक रारा शान्ति बालक्लबले हिमाली बाल क्लब रुगालाई दुई शुन्य गोलले पराजित गरेको छ । प्रतियोगिता अबधिभर नक कम लिकका आधारमा खेलाईने आयोजकले जनाएको छ ।
मुगु न्युज डट कम
मुगु १२ माघ, जिल्लामा कुनै पनि सार्बनीक खेल मैदान नभएको अबस्थामा सदरमुकाम नजिकको कार्किबाडा गाबिसका बालबालिकाले भने खेल मैदान बनाउन थालेका छन ।
नेपाल सरकारबाट प्राप्त हुने बाल अनुदान अन्र्तगतको रकमबाट कार्किबाडा गाबिसको गाँउ बाल संञ्जाल र क्लबले आफनै गाउँलेलाई १० रोपनी जग्गा दान गराई जिल्लामै सार्बजनीक खेल मैदान नभएको अबस्थामा बालबालिकाले खेल मैदान बनाउन थालेका हुन ।
कार्किबाडा गाबिस वडानम्बर १ देखी ४ सम्मका १३ जना जग्गा धनीले बालबालिकालाई खेल मैदान बनाउका लागी १० रोपनी जग्गा दान दिएपछी गाँउ बिकास समितिले बालबालिकाको लागी छुट्टयाएको १५ प्रतिशत रकम मध्ये १० प्रतिशत बालबालिका आफैले खर्च गरुन भन्ने उदेश्यले रकम बिनियोजन गरिएको छ । सदरमुकाम गमगढी र जिल्लाका अन्य कुनै पनि स्थानमा सार्वजनिक खेल मैदान नभएको अवस्थामा कार्कीबाडा गाविसका बालबालिकाले खेल मैदान निर्माणका लागि रकम प्रयोग गरेकोले जिल्लामै उदाहरणीय काम भएको गाबिस सचिब रेशम रावलको भनाई रहेको छ ।
कुल ४ लाख ६३ हजार ५ सय ३० रुपैयामा निमार्ण हुने खेलमैदानको लम्बाई १ सय ५० मिटर , ८० मिटर चौडाई हुने र एक महिना भित्र निमार्ण सम्पन्न कार्य गर्नका लागी डोजर प्रयोग गरिने कार्किबाडा गाँउ बालसञ्जालका अध्यक्ष भुपेस कुमार भामले बताए ।
बालबालिकाको शारिरीको तथा मानसिक विकास गर्न मद्दत पुग्ने भन्दै स्थानीयवासीले खेल मैदान निर्माण गर्न लागेको र खेर गएको जग्गा बालबालिकाले प्रयोग गरोस भन्ने उदेश्येले १३ जनाले जग्गा दान दिएको जग्गा दाता कृष्णा भामले बताए ।
मुगु न्युज डट कम,
माघ २ मुगु-------
जिल्लामा भलिबल, फुटबल, कराँते, ब्याट म्यान्टिन तथा एथलेटिक्सका खेलाडी उत्पादन गर्न सकिने धेरै सम्भावना भए पनि जिल्ला खेलकुद विकास समितिको वेवास्ताका कारण खेलकुद गतिविधी सुनसान रहेको छ ।
खेलकुद विकास समिति राजनीतिक परिवर्तनसंगै फेर बदल हुने तथा खेलकुदलाई राजनिती करण गरिदा जिल्लाको खेल जगतको विकास हुन नसकेको स्थानीय खेलाडीहरुको आरोप छ । नयाँ वर्ष , दशै तिहारको अवसर पारेर युवा क्लबहरुले फुटबल , भलिबलको आयोजना गर्ने गरिरहे पनि जिल्ला सदरमुकाम गमगढीमा सार्वजनिक मञ्च र खेल मैदान नहुँदा खेलाडीले थप समस्या व्यहोर्नु परेको व्याटम्यान्टिन संघ मुगुका अध्यक्ष सिंह बहादुर मल्लले बताए ।
जिल्लाको खेलकुद क्षेत्रको लागि चाहिने बजेटको व्यवस्था हुन नसक्दा खेलकुद गतिविधि सञ्चालन गर्न नसकिएको जिल्ला खेलकुद विकास समितिले जनाएको छ । वर्षको एक पटक हुने राष्ट्रपती रनिङ्ग शील्ड प्रतियोगिता बाहेक अन्य कुनै खेल गतिविधी हुन सकेका छैनन । अहिले मध्य पश्चिमाञ्चल विकास क्षेत्रका लागि विभिन्न खेलका लागि जिल्ला जिल्लामा खेलाडी छनौंठ गर्ने प्रक्रिया चलिरहे पनि मुगुमा नत खेलाडी छनौठ प्रक्रिया छ नत खेलकुद विकास समितिका पदाधिकारीहरु नै छन । क्षेत्रिय खेलकुद विकास समितिले खेलाडी छनौंठ गरि पठाउन एक हप्ता अगाडी पत्र पठाए पनि पदाधिकारीहरु जिल्लामा नहुँदा कुनै प्रक्रिया अगाढी बढ्न नसकेको खेलकुद विकास समितिको कार्यालय मुगुले जानकारी दिएको छ ।
जिल्लामा खेलकुद गतिविधिका नाममा व्याट म्यान्टिन मात्र चलिरहेको छ । सानो चौर भए पुग्ने भएपछि स्थानीय युवा, सरकारी कर्मचारीहरुको सक्रियतामा विगत दुई वर्ष देखि जिल्ला पशु सेवा कार्यालय, प्राविधिक कार्यालय, वन कार्यालय र प्रहरी कार्यालयमा प्रत्येक विहान व्याटम्यान्टिन खेल्नेको भिड लाग्ने गरेको छ भने शारिरिक व्यायम गर्न चाहने युवा, कर्मचारीहरुका लागि सहज भएको छ ।
मुगु न्युज डट कम
मुगु १७ कार्तिक
कार्तिक पन्ध्र गते देखि सदरमुकाम गमगढीमा सञ्चालन भएको जिल्ला स्तरिय खुल्ला महिला तथा पुरुष भलिबल प्रतियोगिता आईतवार सम्पन्न भएको छ ।
आईतवार सम्पन्न भएको प्रतियोगितामा पुरुष तर्फ शितल बजार युवा क्लब प्रथम, पिना युवा क्लब दोस्रो र ए वान स्पोर्ट क्लब तेस्रो भएका छन । महिला तर्फको प्रतियोगितामा महाकाली उच्च मावि प्रथम , रारा बोर्डिगं तेस्रो र रोवा गाविस तेस्रो भएका छन ।
कर्णाली महिला विकास मञ्च र अन्तरपाटी महिला सञ्जाल मुगुको आयोजनामा भएको प्रतियोगिताका विजेताहरुलाई आईतवार नै नगद तथा प्रमाण पत्र वितरण गरिएको छ ।
मुगु न्युज डट कम,
कार्तिक १५ मुगु -------
दशै तथा दिपावलीको अवसरमा सदरमुकाम गमगढीमा शुक्रबार देखि जिल्ला स्तरिय खुल्ला पुरुष तथा महिला भलिबल प्रतियोगिता सुरु भएको छ ।
कर्णाली एकिकृत महिला विकास मञ्च र अन्तर पाटी महिला सञ्जाल मुगुको आयोजनामा सुरु भएको प्रतियोगितामा सातबटा पुरुष समुह र पाँच वटा महिला समुह गरेर बाह्रवटा समुह सहभागि भएको आयोजकले बताएका छन । जिल्ला विकास समिति मुगु, श्रीनगर गाविसको सहयोगमा प्रतियोगिताको आयोजना गरिएको छ । जिल्लामा अहिलेसम्म सार्वजनिक मञ्च र खेलमैदानको अभाव छ ।
खेल मैदानको अभाव बिचमा जिल्ला खेलकुद विकास समिति मुगुले आफ्ना कुनै पनि खेल गतिविधी नगरे पनि संघ संस्था र क्लबको अग्रसरतामा जिल्लामा भलिबल, फुटबल प्रतियोगिताको आयोजना गरिदै आएको छ ।
मुगु न्युज डट कम,
कार्तिक ४ मुगु-----
दशै र तिहारको उपलक्ष्यमा रेडपाण्डा युथ क्लबले आयोजना गरेको खुल्ला पुरुष फुटबल प्रतियोगिता सोमबार सम्पन्न भएको छ ।
फुल पातीका दिन देखि सुरु भएको प्रतियोगिताको फाईनलमा पुगेको आयोजक रेडपाण्डालाई १ का विरुद्ध २ गोल गर्दै प्रथम पुरस्कार नगद १० हजार सहित प्रथम स्थान श्रीनगर गाबिसको ए, वान स्पोर्ट कल्बले आफना पोल्टामा पार्न सफल भएको छ ।
दशैको फुलपातिका दिन बाट शुरु भएको खुल्ला पुरुष फुटबल खेलको अन्तिम चरणमा आयोजक टिम रेडपाण्डालाई १ बिरुद्व ए,वान युथ कल्बले २ गोलले पराजित गर्दै प्रथम पुरस्कार नगद १० हजार सहित चार हजार बराबरको जिन्सि सामान जितेको हो ।
जिल्लामै पहिलो पटक यती ठुलो पुरस्कार राशी भएको प्रतियोगिता आयोजना गरेको खुल्ला पुरुष फुटबलमा जिल्लाका नौ टिमले भाग लिएका भए पनि लिग चरण बाट खेलाईएको खेलमा सेमिफाईनलमा श्री महाकालि उच्च माबि लाई हराउदै ए, वान युथ कल्ब सेमिफाईनलमा पुगेको थियो भने सितल बजारलाई हराउदै आयोजक रेडपाण्डा सेमिफाईनलमा पुगि अन्तिम चरणको खेलमा पुगेका थिए ।
सोमबार श्री महाकालि उच्च माबिको खेल मैदानमा भएको अन्तिम चरणको खेलमा खेलको १७ औं मिनेटमा आयोजक टिमका १० नम्बरका बिबेक शाहीले गोल गरे पनि पहिलो खेलको दोस्रोे हापको २५ मिनेटमा ए, वानका १२ नम्बरका बाल कुमार मल्लले एक गोल फर्काएका थिए । दोस्रो हापमा ए, वानले एक गोल गरी बाराबरी भए पछी समय अबधि भर कुनै टिमले गोल नगरेपछी रेफ्रिको थप अतिरिक्त समयको ३० मिनेटको दोस्रो हाप २ मिनेटमा ए, वानका नरेश मल्लले एक गोल गरी आफनो टिम लाई नगद १० हजारको बिजेता बनाएका थिए भने नगद आठ हजार सहित उप बिजेतामा आयोजक रेड पाण्डाले चित्त बुझाउनु परेको थियो । बिजेता उप बिजेताका दुबै टिमका खेलाडीलाई जिल्ला न्यायाधीश हरि प्रसाद र्शमा पंगेनिले पुरस्कार र प्रमाण पत्र प्रदान गरेका थिए।
मुगु न्युज डट कम--
कार्तिक १ मुगु---------------
रेड पाण्डा युवा क्लब श्रीनगर मुगुको आयोजनामा सञ्चालन भईरहेको पुरुष खुल्ला फुटबल प्रतियोगिताको शुक्रबार भएको सेमिफाईनल खेलबाट ए वान स्पोर्ट क्लब श्रीनगर फाईनलमा प्रवेश गरेको छ ।
महाकाली नमुना उच्च मावि र स्पोर्ट क्लब विच भएको प्रतिस्पर्धाको पहिलो हाफमा स्पोर्ट क्लबले पेनाल्टी हान्ने मौंका पाए पछि महाकालीका खेलाडीले पेनाल्टी अस्वीकार गरेका थिए । मुख्य रेफ्रि सशस्त्र प्रहरी बलका भिम मल्लले महाकालीका खेलाडीको ह्याण्ड लिएका थिए । तर धेरै चोटी सम्झाउदा पनि नमाने पछि खाली गोल पोष्टमा बल हान्न लगाय पछि त्यहि गोल नै निर्णायक गोल भएको थियो भने महाकालिका खेलाडी हिडेका थिए ।
शनिवार विहान सेमि फाईनलको अर्को खेल आयोजक रेड पाण्डा र शितल बजार युवा विच प्रतिस्पर्धा हुने छ भने फाईनल खेल आईतवार विहान हुने छ । अंक तालीकाका आधारमा ए वान स्पोर्टको १२ अंक छ भने आयोजक रेड पाण्डाको ९ अंक रहेको छ ।
मुगु न्युज डट कम ,
असोज ३० मुगु -----
पछिल्ला वर्षहरुमा राष्टपति रनिङ शील्ड मात्र आयोजना गर्ने अवस्थामा रहेको जिल्ला खेलकुद विकास समिति मुगुका खेल गतिविधि सुनसान अवस्थामा रहेको वेला पछिल्ला वर्षहरुमा युवाहरु फुटबल खेल प्रति आकर्षित हुन थालेका छन ।
खेलकुद विकास समितिले जिल्लाको खेल जगतमा कुनै चासो नदिदाँ युवाहरुमा रहेको खेल प्रेम हराउदै गएको युवाहरु बताउछन । पछिल्ला समयमा वर्षको दुई तिन पटकसम्म जिल्लामा फुटबल प्रतियोगिताको आयोजना हुदै आएको छ । अहिले पनि दशैको उपलक्ष्यमा स्थानीय रेडपाण्डा युबा क्लबको आयोजनामा सदरमुकाम गमगढीमा खुल्ला फुटबल प्रतियोगिता सञ्चालन भईरहेको छ । नौ वटा युवा क्लबले प्रतियोगितामा भाग लिएका छन जस मध्य बुधवार सम्म सञ्चालन भएको पहिलो चरणको खेलमा तिनवटा समुह बाहिरिएका छन भने ६ वटा समुहले विहिवार देखि सेमि फाईनलका लागि खेल्ने आयोजक क्लबका अध्यक्ष पारसमणि मल्लले जानकारी दिए । निर्वाचन नजिकिएको तथा दशैको वेलामा प्रतियोगिता आयोजना गर्दा विवाद र झैं झगडा हुन सक्ने अवस्थालाई मध्यनजर गर्दै स्थानीय प्रहरी प्रशासनसंग सहयोग मागिएको तथा रेफ्रि समेत सशस्त्र प्रहरी बलका खेलाडी राखिएकाले सहज भएको मल्लले बताए ।
जिल्लामा आयोजना गरिने खेलकुद प्रतियोगिता मध्य सबै भन्दा ठुलो पुरस्कार राशी यो पटक रहेको छ । प्रतियोगिताको विजेता समुहले १५ हजार नगद र उप विजेताले १० हजार नगद पुरस्कार पाउने छन भने सवै भन्दा लामो समयसम्म प्रतियोगिता सञ्चालन हुने भएकाले खर्च पनि एक लाख बढि हुने आयोजकले बताएका छन । प्रतियोगिता फुलपातीको दिन देखि सुरु भएको थियो । केहि हप्ता अघि सदरमुकाम गमगढीमा १४ वर्ष उमेर समुह मनिकाहरुको फटबल प्रतियोगिता सञ्चालन भएको थियो ।
मुगु न्युज डट कम,
असोज १२ मुगु -----
दशैको अवसर पारेर सदरमुकाम गमगढीमा विद्यालय स्तरिय महिला तथा पुरुष भलिबल प्रतियोगिता सुरु भएको छ ।
जिल्ला खेलकुद विकास समिति मुगुका खेलकुद गतिविधी शन्य रहेका अबस्थामा गमगढी स्थित महाकाली उच्च माध्यामिक विद्यालयले प्रतियोगिता आयोजना गरेको छ । आयोजनाका लागि विभिन्न माध्यामिक विद्यालयबाट सातवटा पुरुष र महिलाका चार समुह गरि बाह्र समुह सहभागि भएको आयोजक विद्यालयका शिक्षक डिलेन्द्र बहादुर मल्लले जानकारी दिए ।
खेलकुदले राष्टपति रनिङ शिल्ड बाहेक अरु कुनै गतिबिधी सञ्चालन नगर्दा जिल्लाको खेल जगत सुनसान रहेको र दशैका बेला मनोरञ्जन तथा विद्यार्थीहरुको अतिरिक्त क्षमता विकास गर्न अरुलाई प्रायोजक खोजेर भए पनि प्रतियोगिता सञ्चालन गरेको मल्लले बताए । जिल्लामा सार्वजनिक मञ्च तथा खेल मैदान नहुँदा अन्य खेल गतिविधी आयोजना गर्न समस्या भईरहेको छ ।
मुगु,
चार दशक पछि यो वर्ष मुगुमा सवै भन्दा गर्मि भएको स्थानीय बुढापाकाले बताएका छन । चार दशक अघि २०२८ सालमा यो वर्ष जस्तै अत्याधिक गर्मि र खडेरी पर्दा बाली नाली नष्ट हुनुका साथै पानीका मुल समेत सुकेका श्रीनगर गाविसका स्थानीयवासी ६७ वर्षे वृद्धा श्रीचन्द्र रावलले अनुभव सुनाए । त्यति वेला खडेरी र गर्मिका कारण भोकमरी , महामारी फैलिएको रावलले स्मरण गरे ।
४२ वर्ष पछि अत्याधिक गर्मि हुँदा जिल्लाको जनजीवन कष्टकर बनेको छ । दिन प्रतिदिन बढ्दै गएको बन जंगल फडानी र जलवायु परिवर्तनका कारण गर्मिमा अति गर्मि , जाडोमा अति जाडो हुनुका साथै उत्पादनमा समेत कमि आएको छ । हिजो आज सदरमुकाम गमगढीको तापक्रम ३६ डिग्री सेन्टि गे्रट पुगेको श्रीनगर मौसम मापन केन्द्र मुगुले जनाएको छ ।
पानी नपर्दा चैत्र बैशाखमा नै छरिसक्नु पर्ने कोदो, कागनु , चिनु कृषकले छरेका छैनन भने चैत्रमा राख्नु पर्ने धानको वेर्ना समेत किसानले राख्न पाएका छैनन । त्यस्तै अहिलेसम्म गोडमेल गरिसक्नु पर्ने पाखो धान डढ्ने डरले किसानले गोड्न सकेका छैनन ।यता दिन प्रतिदिन गर्मि बढैसंगै जिल्लामा झाडा पखाला, आउँ , मासी ,रुघा खोकिका विरामी बढ्न थालेका छन ।
जिल्ला अस्पताल मुगुमा आउने पखालाका विरामी मध्य पचास प्रतिशत बालबालिका प्रभावित रहेको जिल्ला अस्पताल मुगुले जनाएको छ । गर्मि बढैसंगै हिजो आज दैनिक एक सय बढि विरामी उपचारका लागि अस्पताल आउने गरेका र ति मध्य पचास प्रतिशत बालबालिका पखालाबाट प्रभावित पाईएको जिल्ला अस्पताल मुगुका डाक्टर अर्जुन भट्टले बताए । उमेर छिपिएका विरामी मध्य ज्वरो, टिवि,दम र रुघा खोकिका आउने गरेकाछन भने कुपोषण भएर आउने बालबालिकाको संख्या पनि बढिरहेको अस्पतालले जनाएको छ ।
चार दशक पछि यो वर्ष मुगुमा सवै भन्दा गर्मि भएको स्थानीय बुढापाकाले बताएका छन । चार दशक अघि २०२८ सालमा यो वर्ष जस्तै अत्याधिक गर्मि र खडेरी पर्दा बाली नाली नष्ट हुनुका साथै पानीका मुल समेत सुकेका श्रीनगर गाविसका स्थानीयवासी ६७ वर्षे वृद्धा श्रीचन्द्र रावलले अनुभव सुनाए । त्यति वेला खडेरी र गर्मिका कारण भोकमरी , महामारी फैलिएको रावलले स्मरण गरे ।
४२ वर्ष पछि अत्याधिक गर्मि हुँदा जिल्लाको जनजीवन कष्टकर बनेको छ । दिन प्रतिदिन बढ्दै गएको बन जंगल फडानी र जलवायु परिवर्तनका कारण गर्मिमा अति गर्मि , जाडोमा अति जाडो हुनुका साथै उत्पादनमा समेत कमि आएको छ । हिजो आज सदरमुकाम गमगढीको तापक्रम ३६ डिग्री सेन्टि गे्रट पुगेको श्रीनगर मौसम मापन केन्द्र मुगुले जनाएको छ ।
पानी नपर्दा चैत्र बैशाखमा नै छरिसक्नु पर्ने कोदो, कागनु , चिनु कृषकले छरेका छैनन भने चैत्रमा राख्नु पर्ने धानको वेर्ना समेत किसानले राख्न पाएका छैनन । त्यस्तै अहिलेसम्म गोडमेल गरिसक्नु पर्ने पाखो धान डढ्ने डरले किसानले गोड्न सकेका छैनन ।यता दिन प्रतिदिन गर्मि बढैसंगै जिल्लामा झाडा पखाला, आउँ , मासी ,रुघा खोकिका विरामी बढ्न थालेका छन ।
जिल्ला अस्पताल मुगुमा आउने पखालाका विरामी मध्य पचास प्रतिशत बालबालिका प्रभावित रहेको जिल्ला अस्पताल मुगुले जनाएको छ । गर्मि बढैसंगै हिजो आज दैनिक एक सय बढि विरामी उपचारका लागि अस्पताल आउने गरेका र ति मध्य पचास प्रतिशत बालबालिका पखालाबाट प्रभावित पाईएको जिल्ला अस्पताल मुगुका डाक्टर अर्जुन भट्टले बताए । उमेर छिपिएका विरामी मध्य ज्वरो, टिवि,दम र रुघा खोकिका आउने गरेकाछन भने कुपोषण भएर आउने बालबालिकाको संख्या पनि बढिरहेको अस्पतालले जनाएको छ ।
सुमन मल्ल
मुगु,
गाविसको न्युनतम शर्त तथा कार्य सम्पादन मुल्याकंनमा जिल्लाका तिन गाविस अनुतिर्ण भएका छन ।
जिल्लाका २४ गाविसहरु मध्य पिना , श्रीकोट र डोल्फु गाविस न्युनतम शर्त तथा कार्य सम्पादन मुल्याकंनमा अनुतिर्ण भएको जिल्ला विकास समिति मुगुले जनाएको छ । अनुतिर्ण भएका गाविसहरुलाई स्थानीय विकास मन्त्रालयले नपुग भएका कागज पत्र पेश गर्ने मौका दिए पनि स्थानीय विकास मन्त्रालयबाट प्राप्त हुने विकास अनुदान कटौति हुने भएको छ ।
जिल्ला विकास समिति मुगुले खटाएका विज्ञहरुले व्यवहारिक रुपमा तालमेल मिलाउने काम गरे पनि मन्त्रालयबाट आउने टोलिले २४ वटै गाविस मध्य कुन गाविसको प्रतिवेदन हेर्ने भनि गोला प्रथा गर्दा तिन गाविस परेका थिए । विगतमा मन्त्रालयबाट आउने मुल्यांकन टोलीले न्युनतम शर्त तथा कार्य सम्पादन मुल्याकंन प्रतिवेदन खोज्दा राम्रो परिणाम ल्याएका गाविसहरुको मात्र जिविसले देखाउने गरेको स्रोतले जानकारी दिएको छ । यो पटक भने मन्त्रालयबाट आएको टोलीले २४ वटै गाविसलाई गोला प्रथाबाट नमुना छनौट गरेको थियो । टोलीले बर्षेनी तिन चार वटा प्रतिवेदन नमुनाका रुपमा मात्र मुल्याकंन गर्ने गरेको पाईएको छ । अनुत्तिर्ण भएका गाविसले गाविसको गाउ परिषदले पारीत गरेका कार्यक्रमको निर्णय समावेश नगरेको, वार्षिक खर्च र आम्दानीको विवरण नराखेको तथा समयमा गाउ परिषद सम्पन्न नगरेका कारण अनुत्तिर्ण भएको जिविसले जनाएको छ ।
तिन चारवटा गाविसका मुल्याकंन प्रतिवेदन मात्र नहेरी सवै गाविसका प्रतिवेदन राम्रोसँग मुल्याकंन गर्ने हो भने अधिकाँश गाविस अनुत्तिर्ण हुन सक्ने जिविस स्रोतले बताएको छ ।
गाविसबाट सञ्चालित तथा सम्पन्न भए नभएका सवै कार्यक्रम तथा गतिविधिको प्रतिवेदन पेश गर्दा केहि कमजोरी रहेको पिना गाविसका सचिव धनप्रसाद पाण्डेले बताए । स्थानीय विकास मन्त्रालय र जिल्ला विकास समितिले निर्धारण गरेका सुचकहरुको आधारमा जिविसले खटाएका विज्ञहरुले प्रतिवेदन तयार गर्नु पर्ने प्रावधान भए पनि व्यवहारिक रुपमा असर नपरोस भनेर प्रतिवेदन तयार पार्ने गरेको पाईएको छ ।
लगातार आक्रमण गरेको फ्रेन्ड्स क्लब गोल गर्न भने असमर्थ भयो । पहिलो हाफमा पाँच मिनेटको अन्तरमा फ्रेन्ड्सका सबैभन्दा प्रभावकारी खेलाडी ओउमारले पाएका दुई राम्रा अवसर गुमाए पछि प्रेmन्ड्स बराबरीमा चित्त बुझाउन बाध्य भएको हो । पहिलो हाफमा नै जगजित श्रेष्ठले बनाएको मुभमा प्रकाश बुढाथोकीले बल भेट्न नसके पछि प्रेmन्ड्सले अर्को राम्रो अवसर गुमाएको थियो । ४२औँ मिनेटमा मच्छिन्द्र पनि एकपटक गोलको नजिक पुगेको थियो । कर्ण लिम्बूको राम्रो प्रहारलाई फ्रेन्ड्सका गोल रक्षक बसीरले बचाए । ७५औँ मिनेटमा डुडोजको क्रस प्रकाश बुढाथोकीले भेट्न नसक्नु फ्रेन्ड्सका लागि दु:खद रह्यो । सुपर एटमा नेपाल पुलिस क्लब र नेपाल आर्मी क्लब शुक्रबार खेल हुनेछ । त्यसै खेलपछि सबैले चार खेल पूरा गर्नेछन् ।
प्रतियोगितामा मच्छिन्द्र क्लब ३२ अंकसहित चौथो स्थानमा छ । शीर्ष स्थानमा रहेको थ्री–स्टारको ३९, दोस्रो स्थानमा रहेको एनआरटीको ३५ र तेस्रो स्थानमा रहेको मनाङ–मस्र्याङ्दीको ३४ अंक छ । यसैगरी फ्रेन्ड्सको ३०, आरसिटीको २८, तथा पुलिस र आर्मीको समान २९/२९ अंक छ ।
बिहीबारको खेल पछि मच्छिन्द्रका प्रशिक्षक राजुकाजी शाक्यले कर्ण लिम्बू र विशाल राईबीचको समन्वयको अभाव रहेको बताए । फ्रेन्ड्सका प्रशिक्षक मेघराज केसीले थ्री–स्टार बाहेक अन्य सबै टोली दोस्रो स्थानका लागि खेलेको बताए । शाक्यले फ्रेन्ड्सका प्रमुख खेलाडी ओउमार र डुडोजलाई रोक्ने योजना सफल भए पनि कर्ण र विशालबीच समन्वयको अभावका कारण जित हात पार्न नसकेको बताए । नियमित फरवार्ड दीपक राई प्रतिबन्धका कारण उपस्थित थिएनन् ।
प्रतियोगितामा मच्छिन्द्र क्लब ३२ अंकसहित चौथो स्थानमा छ । शीर्ष स्थानमा रहेको थ्री–स्टारको ३९, दोस्रो स्थानमा रहेको एनआरटीको ३५ र तेस्रो स्थानमा रहेको मनाङ–मस्र्याङ्दीको ३४ अंक छ । यसैगरी फ्रेन्ड्सको ३०, आरसिटीको २८, तथा पुलिस र आर्मीको समान २९/२९ अंक छ ।
बिहीबारको खेल पछि मच्छिन्द्रका प्रशिक्षक राजुकाजी शाक्यले कर्ण लिम्बू र विशाल राईबीचको समन्वयको अभाव रहेको बताए । फ्रेन्ड्सका प्रशिक्षक मेघराज केसीले थ्री–स्टार बाहेक अन्य सबै टोली दोस्रो स्थानका लागि खेलेको बताए । शाक्यले फ्रेन्ड्सका प्रमुख खेलाडी ओउमार र डुडोजलाई रोक्ने योजना सफल भए पनि कर्ण र विशालबीच समन्वयको अभावका कारण जित हात पार्न नसकेको बताए । नियमित फरवार्ड दीपक राई प्रतिबन्धका कारण उपस्थित थिएनन् ।
४ चैत, काठमाडौं । सूर्य नेपाल गल्फ टूर २०१२/१३ अन्तर्गत नवौँ सूर्य नेपाल एनपीजिए गल्फ प्रतियोगिता भोलिदेखि चैत ७ गतेसम्म सञ्चालन हुने भएको छ ।
काठमाडाँैको तिलगङ्गास्थित रोयल नेपाल गल्फ क्लबमा सञ्चालन हुने सो प्रतियोगितामा नेपालका १६ जना व्यावसायिक गल्फरको सहभागिता रहने नेपाल गल्फ सङ्घले जनाएको छ । प्रतियोगितामा सन् २०११/१२ मा सञ्चालन गरिएको प्रतियोगिताबाट छनोटमा पर्न सफल खेलाडी सहभागी छन् ।
प्रतियोगिताको सेमिफाइनल चरणसम्मका खेलहरू १८ होल र फाइनल चरणका खेल ३६ होलमा खेलाइने छ । प्रतियोगिताको पहिलो दिन आठ खेल खेलाइने छ । ती खेलबाट क्वार्टर फाइनल चरणमा प्रवेश गर्ने चार समूहको टुङ्गो लाग्नेछ ।
प्रतियोगिताको पहिलो चरणको खेलमा नेपालकै शीर्ष स्थानमा रहेका गल्फर शिवराम श्रेष्ठले सिवी भण्डारीको सामना गर्ने छन् । त्यसैगरी धरानका मनि राईले राम थापासँग प्रतिष्पर्धा गर्ने छन् । अन्य चर्चित खेलाडीहरू सूर्य शर्माले रामकृष्ण श्रेष्ठसँग भिड्ने छन् भने रमेश नगरकोटीले यलम्बर सिंह अधिकारीसँग खेल्ने छन् ।
प्रतियोगिताको उपाधि विजेताले ५० हजार, उप-विजेताले ३० हजार, तेस्रो हुनेले २२ हजार र चौथो स्थान हात पार्नेले १८ हजार पुरस्कार प्राप्त गर्ने छन् । नेपाल व्यावसायिक गल्र्फस सङ्घको आयोजनामा हुन लागेको सो प्रतियोगिताको क्वार्टर फाइनल चरणमा पुग्ने चार समूहले जनही १० हजार पुरस्कार प्राप्त गर्ने जनाइएको छ । प्रतियोगिताको कूल लागत २० लाख रहेको छ । रासस
४ चैत, काठमाडौं । स्पेनिस ला लिग फुटबलमा डिफेण्डिङ च्याम्पियन रियल मड्रिडले लिग लिडर बार्सिलोनासँगको अंक दुरी १० मा झारेको छ ।
शनिबार राति भएको खेलमा रियलले मालरोकालाई ५–२ गोल अन्तरले पराजित गरेको छ । जितसँगै रियलको २८ खेलबाट ६१ अंक भएको छ । एक खेल कम खेलेको बार्सिलोनाको ७१ अंक छ र आजराति रायो भालकानोसँग खेल्दैछ ।
रियलको घरेलु मैदानमा भएको खेलमा मालरोकाले दुई पटक अग्रता लिएर पनि जोगाउन सकेन । छैटौं मिनेटमा गोल खाएको रियलका लागि १५ औं मिनेटमा हिगुइनले बराबरी गोल फर्काए । तर २१ औं मिनेटमा एल्फारोले फेरि मालरोकालाई अग्रता दिलाए ।
पहिलो हापमा २–१ ले पछि परेको रियल दोस्रो हापमा भने लयमा फर्कियो । ५२ औं मिनेटमा क्रिष्टियानो रोनोल्डोले गोल गर्दै २–२ को बरबरी गरे भने ५४ औं मिनेटमा लुका मोर्डिक, ५७ औं मिनेटमा हिगुइन र अन्तिम मिनेटमा करिम बेन्जिमाले गोल गरेपछि रियल मड्रिड ५–२ गोल अन्तरले विजयी भयो
४ चैत, काठमाडौं । अर्जेन्टिनी हुवा मार्टिन डेल पोर्टोले विश्व नम्बर एक नोभाक जोकोभिचको २२ खेलको अपराजित यात्रामा पूर्णविराम लगाएका छन् ।
इण्डियन्स वेल्स ओपन टेनिसको सेमिफाइनलमा डेल पोर्टोले जोकोभिचलाई हराएका हुन् । पहिलो सेट ४-६ ले गुमाएका डेल पोर्टोले उत्कृष्ट पुनरागमन गर्दै ६-४ र ६-४ ले दोस्रो र तेस्रो सेट जिते ।
जोकोभिचले अक्टोबरपछि पहिलो पटक हार व्यहोरेको हुन् । त्यसबेला उनी पेरिस मास्टर्स टेनिसमा अमेरिकी सम क्यूरीसँग पराजित भएका थिए ।
अब डेल पोर्टोले उपाधीका लागि पूर्व विश्व नम्बर एक स्पेनिस राफेल नाडालसँग खेल्नेछन् ।
क्वालालम्पुर । मलेसियामा उपचारकै क्रममा ज्यान गुमाएका पाचँथर आगन – ६ का १९ वर्षीय सुक वहादुर सम्वाहाम्फेको शब नेपाल पठाइएको छ । जोहोरको गेलनपत्ताको फलासटोनिक कम्पनिमा कार्यरत सँबाहाम्फेको गत मार्च ३ तारिखमा अस्पतालमा उपचारका क्रममा ज्यान गएको थियो । उनी गत फेव्रुवरी ६ मा कम्पनीमा काम गर्दा गर्दै ढलेपछि अस्पताल पुर्याइएको थियो । सुक वहादुर जोहोरवारुको गेलनपत्तामा रहेको फलासटोनिक कम्पनीमा रोजगारको लागि सात महिना अगाडि मात्रै मलेसिया आएका थिए ।
पीडित परिवारलाई ३ लाख सहयोग
यसैवीच मृतक सम्बाहाम्फेका आठ महिनाको छोरालाई मलेसियावाट तीन लाख रुपैयाँ सहयोग पठाइने भएको छ । जोहोरको गेलनपत्ताको फलासटोनिक कम्पनिमा कार्यरत साथीहरु, स्थानिय व्यक्तिहरुसहित फलासटोनिक तथा सेनाईमा रहेको फलासटोनिक कम्पनीका साथीहरुले मृतकको आठ महिनाको छोराको भविश्यलाई सफल वनाउन सहयोग रकमहरु जम्मा गरिरहेका छन् । यसैक्रममा विजय शर्मा,नरेश सापकोटा,लोक वहादुर सुर्यवंशि, विक्रम गौतम,टेक वहादुर क्षेत्री, ओमकान्त धमला,मोहन वस्नेत,मिलन राना,एकनाथ रिमाल,सुर्य किरण साङपाङ,राजेन्द्र थापा र मनिराईको सकि्रयतामा ११ हजार ५ सय ९० रिगेटे संकलन भएको छ ।
यसैगरी सेनाई फलासटोनिकमा कार्यरत ध्यान वहादुर राईको सकि्रयतामा आरएम ६सय १४ गरी जम्मा १२ हजार २सय ४ रिगेट अर्थात नेपालको साढे ३ लाख रुपैयाँ जम्मा भएको हो । संकलित रकम मध्ये मृतकको अंकलको नाममा ५० हजार रुपैयाँ र शव लिएर नेपाल जाने साथी रमेश भण्डारीलाई ५ सय रिगेट दिईएको छ भने अन्य वाँकी रकम करीव ३ लाख रुपैयाँ मृतकका नावालक छोराको नाममा खाता खोली पठाइने भएको छ । साथीभाईले निजको परिवारलाई अरु पनि सहयोग गर्ने वताएका छन् । यस्तै सम्बाहाम्फे कार्यरत कम्पनीले पनि मृतकको विमा रकम करीव १० हजार रिगेटको लागि पहल गरिरहेको सुन्दर श्रेष्ठले जनाएका छन् ।






