निर्पेन्द्र बहादुर मल्ल
फाल्गुण २९ गते
सधै हिउ परेपछि महिना दिन भन्दा बन्ध हुने नेपाल कै अग्लो स्थानमा रहेको सिमिकोट विमान स्थलमा यो चोटी बाख्लो हिउ जमेपनि ३ दिन मै धावनमार्ग संचालनमा आएको छ ।
सिमिकोट नागरिक उड्डेन कार्यालयले धावनमार्गमा जमेको हिउ फाल्न विगत बर्षहरुमा स्काभेटर तयारी अवस्थामा राखेपनि मेसिन चलाउने चालक नहुदा धावन मार्गमा रहेको हिउ हटाउन समस्या हुने गरेको थियो तर फाल्गुण २७ र २८ गते सिमिकोटमा ३ फिट भन्दा बाक्लो हिउ परयो र धावन मार्गमा हिउ जमेकाले सबैले विगत बर्षहरुमा झै यो बर्ष पनि लामो समयसम्म विमान स्थल बन्ध हुने भयो भनेर कुरा गर्न थाले ।
सिमिकोट बासीले सोचेको भन्दा फरक भैदियो फाल्गुण ३० गते हिउ जमेको ३ दिन नविल्दै सिमिकोट विमान स्थलमा विभिन्न कम्पनीका जहाजले उडान भरे । स्थानियले अचम्म माने । जव उनीहरु नागरिक उड्डेन कार्यालयमा पुगे तब थाहा पाए हुम्ला घुम्न आएका २ विदेशीले स्काईभेटर चलाएर विमान स्थलको हिउ हटाई दिएपछि विमान स्थल संचालनमा आएको रहेकोछ ।
स्काईभेटर चलाउने ज्ञान नहुदा माल भएरपनि हुम्लीहरुले चाल पाएका थिएनन । आफुहरुलाई मेसिन चलाउन आउछ विना पारिश्रमिक चलाई दिने भनेपछि एकछिन त पत्यार लागेको थिएन तर चलाएपछि खुशी लाग्यो र हिउ हटाउन अनुमती दिए सिमिकोट नागरिक उड्डेन कार्यालयका प्रमुख भिमदत्त पन्तले भन्नुभयो । मेडिकल टिम ईन्टरनेशनल नेपालका निर्देशक एन्डर्स र्नकट र मेडिकल टिम ईन्टरनेशनल हेट क्वाटरका पट्रिकसि वान्सके मुगु,हुम्ला र बाजुरा जिल्लामा भविष्यमा आफनो सस्था मार्फत स्वास्थ्य कार्यक्रम संचालन गर्न सम्भाव्यता अध्यन गर्ने क्रमका सिमिकोट पुगेका रहेछन ।
२९ गते विहान ६ बजेबाट बेलुका ६ बजेसम्म दुवै जनाले पालैपाले स्काभेटर चलाएर हिउ हटाएको र त्यो कामको मुल्याकन गर्नै नसकिने पनि प्रमुख पन्थले बताउनु भयो ।
विदेशी भएर पनि आफनै ठाँउको जस्तो सोचेर विना पारिश्रमिक चिसो र थकानको प्रवाह नगरी राज्यबाट दुर रहेका हुम्ली जनतालाई समय मै हवाई सेवादिन स्काभेटर चलाएर हिउ सफा गरेपछि हुम्लीहरु खुशी भएका छन । प्रारम्भिक चरण मै सहयोगी हातहरु फैलाउने यी दुवैलाई हुम्ला जस्ता विकट जिल्लाहरुमा भोग,रोगमा पल्सिएका जनतालाई मध्यविन्दूमा राखी कार्यक्रम संचालन गर्न पनि स्थानियहरुले आग्रह गरेका छन उनीहरुले कार्यक्रम संचालनमा आउने बाधा अडचनमा हातमा हात मिलाएर सहयोग गर्ने पनि प्रतिवद्घता जनाएका छन ।
हवाई बाहेक यातायातको अर्को विकल्प नभएको हुम्लामा विगत बर्षहरुमा हिउ कै कारण विमान स्थल लामो समयसम्म बन्ध हुदा समय मै सुविधासम्पन्न अस्पतालहरुमा उपचार गर्न नपाएर कयौ हुम्लीहरुले मृत्यु स्विकार्नु परेका दुखान्त घटनाहरु रहेकाछन ।
नेपालका ७५ जिल्लाहरु मध्य ७३ जिल्ला सदरमुकामसम्म सडक पुगेपनि कर्णाली अंचलका डोल्पा र हुम्ला जिल्ला केन्द्रिय सडक संजालबाट टाढा रहेका छन । ति जिल्लाहरुमा हवाई सेवा बाहेक अर्को विकल्प छैन ।
मुगु न्युज डट कम-----
साउन ३ मुगु--------
सभासद सहितको टोली संविधानको मस्र्याैदा माथी छलफल र सुझाव संकलन गर्न जिल्ला पुगे पछि प्राय गरि कर्णालीको संघीयताका विषयमा धेरै प्रश्न र सुझाव प्राप्त भएको छ । आईतवार देखि बुधवारसम्म जिल्ला स्थित सरकारी तथा गैर सरकारी कार्यालय पुर्ण रुपमा बन्द गरि जिल्ला विकास समितीको हलमा संविधानको मस्यौदा माथी छलफल र सुझाव संकलन कार्य सुरु भएको छ ।
सुझाव संकलनका क्रममा सोमबार दलित महिलाहरुसंग छलफल गरिएको छ । सुझाव संकलनका क्रममा देश संघीय संरचनामा लैजादा कर्णालीलाई आत्म निर्णय सहितको संघीय राज्य बनाउनु पर्ने अधिकाँश सहभागिको भनाई थियो । नागरिकता वितरण गर्दा आमाको नामबाट भन्दा वंशजको आधारमा नागरिकता पाउने व्यवस्थालाई बावुको अनिवार्यतालाई हटाउनु पर्ने सहभागिको तर्क थियो । कर्णालीमा महिलाहरुको समग्र विकासका लागि अवको नयाँ बन्ने संविधानमा कर्णाली महिला आयोगको गठन व्यवस्था गरिनु पर्ने नेकपा एमालेबाट २०६४ सालको संविधान सभामा समानुपातिकका तर्फबाट प्रतिनीधित्व गरेकी संविधान सभाकी पुर्व सदस्या सोनाम छेजुम लामाले बताईन ।
कर्णालीलाईको समग्र विकास, संघीयता लगायतका कुनै पनि विषयमा अहिलेको संविधानको मस्यौदा कहि उल्लेख नगरिएकाले संविधानका कर्णालीको नाम समेट्नु पर्ने नेकपा एमालेका कार्य वाहक अध्यक्ष धर्मबहादुर शाहीले बताए । उनले कर्णालीलाई आत्म निर्णय सहितको संघीय राज्य बनाउने कुरा संविधानमा नै उल्लेख गर्नु पर्ने उनले सुझाव दिए । सुझाव संकलन कार्यक्रममा सहभागि अधिकाँशले कर्णालीमा आर्थिक, सामाजिक, शैक्षिक राजनीतिक तथा दक्ष जनशक्तिको उत्पादन र विकास नहुँदा सम्म संघीय राज्य बनाउन नहुने तर्क गरेका थिए । यदि कर्णालीलाई संघीय राज्य बनाउने हो भने क्षतिपुर्ती सहितका संघीय राज्य बनाउनु पर्ने अधिकाँशको सुझाव थियो । मस्यौदा माथि छलफल र सुझाव संकलनका लागि मुगुका सभासद मोहन बाँनिया र बर्दियाका सभासद हरि ज्ञवालीको टोली अहिले सदरमुकाम गमगढी रहेको छ ।
२४ वटै गाविसबाट सुझाव संकलन गरिने भनिए पनि सुझाव संकलन टोली सदरमुकाममा नै केन्द्रीत भएको छ । गाविस स्तरमा गाउँ विकास समितिका सचिवहरुलाई सुझाव संकलनको जिम्मा दिईएको भने पनि सबै गाविसमा सचिव नहुँदा थप कार्य गर्न समस्या देखिएको छ ।
मुगु न्युज डट कम----------------
बैशाख १७ मुगु---------------
बैशाख १२ गते दिउसो गएको भुकुम्पका कारण राजधानी लगायत देशका विभिन्न क्षेत्रमा भएको ठुलो धनजनको क्षेती पश्चात पिडीतका लागि मुगु सदरमुकाम गमगढीमा पनि राहत संकलन सुरु भएको छ ।
जिल्लाका सम्पुर्ण राजनीतिक दलहरु , नागरिक समाज, सञ्चार कर्मी र सर्व साधरणले एकिकृत रुपमा सदरमुकाम गमगढीमा विहिवार देखि राहत संकलन सुरु गरेका हुन । बिहिबार मात्र गमगढी बजारमा ४७ हजार बढि राहत संकलन भएको राहत संकलनको नेतृत्व गरिरहेका पुर्व शिक्षा राज्य मन्त्री हस्तबहादुर मल्लले जानकारी दिए । बजारमा तिन दिनसम्म राहत संकलन गरि जम्मा भएको रकम प्रधान मन्त्री राहत कोषमा पठाईने उनले बताए । भुकुम्प पिडीतका लागि जिल्लामा कार्यरत सरकारी कर्मचारीहरुबाट प्रथम श्रेणीका कर्मचारीबाट १५ दिन, दोस्रो श्रेणीका कर्मचारीबाट दश दिन र अन्यबाट पाँच दिन बराबरको पारिश्रमिक राहत कोषमा पठाउने परिपत्र गृह मन्त्रालयबाट प्राप्त भएको जिल्ला प्रशासन कार्यालयका प्रमुख जिल्ला अधिकारी शम्भुप्रसाद रेग्मीले बताए ।
१२ गतेको भुकुम्पमा परि मुगुका दुई जनाको ज्यान गएको अनौपचारिक जानकारी मात्र आएको तर औपचारिक रुपमा कुनै जानकारी नआएको जिल्ला प्रशासन कार्यालयले जनाएको छ । रोजगारीका लागि विदेश जान तयारी गर्न काठमाण्डौ गएका कार्कीवाडा गाविस वडा नम्बर ६ का ३० वर्षका राम नारायण भामको बालाजुको एक होटेल भत्किदा ज्यान गएको आफन्तले बताएका छन । बुधबार काठमाण्डौमा नेपाल रेडक्रस सोसाईटी मुगुका उप सभापति जंगबहादुर शाही र मुगुका सभासद मोहन बाँनिया लगायत काठमाण्डौमा उपलब्ध मुगुका स्थानीयले मृतकको शव बुझि दाहसंस्कार गरेको बताईएको छ ।
मुगु न्युज डट कम------------
बैशाख १७ मुगु---------
जिल्लाका २४ वटा गाविसका नौ हजार छ सय घरधुरी मध्य हालसम्म नौ सय पचास घर धुरीहरुमा चर्पी बन्न नसक्दा जिल्लालाई खुल्ला दिसा मुक्त क्षेत्र घोषणा गर्न समस्या परेको छ ।
नेपाल सरकारले सन २०१७ सम्म नेपाललाई नै खुल्ला दिसा मुक्त क्षेत्र घोषणा गर्ने लक्ष्य अनुसार जिल्लामा पनि विभिन्न गाउँ बस्ती र गाविसलाई खुला दिसा मुक्त क्षेत्र घोषणा गर्ने काम थालीए पनि प्रभावकारी हुन सकेको छैन । अहिलेसम्म जिल्लाका रारा,खमाले, रोवा,माँग्री,पुलु,किम्री,कार्कीवाडा गरि सात गाविस खुल्ला दिसा मुक्त गाविस घोषणा गरिए पनि अहिले ति गाविस खुला दिसा मुक्त घोषणा गर्नु पहिले जस्तै अवस्थामा पुगेका छन ।
विहिबार किर्डाक नेपाल मुगुको आयोजनामा राजनीतिक दल ,सञ्चार कर्मी र गाविस सचिबबीच भएको अन्र्तक्रियामा सहभागि अधिकाँशले शौचालय निर्माण भन्दा खानेपानीको पर्याप्तता , समुदायमा जनचेतना मुलक कार्यक्रम सञ्चालन गर्नु पर्ने र खुला दिसा मुक्त क्षेत्र घोषणा गरि सके पछि पुर्ण सरसफाई कार्यक्रम निरन्तर सञ्चालन गर्नु पर्ने आवश्यकता रहेको बताए । अहिले पिना, कालै,रुगा,ह्याँग्लु,सुकाढिक,गम्था,धैनकोट,नार्थपु, सेरी गाविसमा शत प्रतिशत घरमा चर्पी बनि सकेका र त्यसको जिल्ला सरसफाई तथा स्वच्छता समन्वय समितिबाट अनुगमन गरि आएको प्रतिवेदन अनुसार खुला दिसा मुक्त क्षेत्र घोषणाको एकिन हुने किर्डाक नेपालका संयोजक पदमबहादुर मल्लले जानकारी दिए ।
मुगु न्युज डटकम---------
बैशाख १३ मुगु--------------------------
शनिवार दिउसो गएको भुकुम्पले राजधानी लगाएत देशका विभिन्न जिल्लामा ठुलो धनजनको क्षती गरे पछि अहिले जिल्ला भरमा त्रास छाएको छ ।
आईतवार अपरान्ह तिर भुकुम्पको सामान्य झट्का आएको थियो । भुकुम्पको झट्का आउदा सदरमुकाम गमगढी बजारका होटल ,पसल, कार्यालय भित्र रहेका सबै मान्छे दौडेर सडकमा निस्किएका थिए । शनिवार दिउसो आएको भुकुम्पले ठुलो धनजनको क्षति भएको भन्ने समाचार आएपछि सदरमुकाम गमगढीमा दिनभर त्रास रह्यो भने राती कुनै पनि वेला भुकुम्प आउन सक्ने सुचना आएपछि धेरैजसो मान्छेहरु खाली चौर, विद्यालयका खेल मैदानमा जम्मा भएका थिए ।
आउन सक्ने सम्भावित विपदबाट जोगिनका लागि सजग रहन जिल्ला प्रशासन कार्यालयले सर्वसाधरण सबैलाई अनुरोध गरेको छ । आईतवार जिल्ला प्रशासन कार्यालयमा बसेको जिल्ला दैवी प्रकोप उद्धार समितीले कुनै पनि बेला आउन सक्ने भुकुम्प र हुन सक्ने धनजनको क्षतिलाई कम गर्न तथा उद्धारका लागि तयार रहन सबैलाई अनुरोध गरेको छ । समितिको बैठकले जिल्लाभर रहेका स्वास्थ्य संस्थाहरुमा स्वास्थ्यकर्मी नरहेको गुनासो आईरहेकाले तत्काल ति स्वास्थ्य संस्थाका स्वास्थ्यकर्मीलाई कार्य क्षेत्र पठाउन निर्देशन दिएको र जिल्ला स्थित सरकारी कार्यालयका कुनै पनि कर्मचारीलाई जिल्ला नछोड्न समेत निर्देशन दिने निर्णय गरेको जिल्ला प्रशासन कार्यालयका प्रमुख जिल्ला अधिकारी शम्भुप्रसाद रेग्मीले जानकारी दिए । जिल्लाका कुनै पनि क्षेत्रमा भुकुम्प जान सक्ने र हुन सक्ने क्षति तथा उद्धारका लागि नेपाल रेडक्रस, नेपाल प्रहरी, नेपाली सेना तथा दैवी प्रकोप सम्बन्धि काम गर्ने सरकारी तथा गैर सरकारी कार्यालयलाई तयारी रहन भनिएको छ । जिल्लाका २४ गाविस मध्य एक दर्जन बढि गाविस भुकुम्पको उच्च जोखिममा रहेको जिल्ला दैवी प्रकोप उद्धार समितिले जनाएको छ ।
आईतवार दिउसो देखि सदरमुकाम गमगढी बजारमा भुकुम्पबाट जोगिन सुरक्षित स्थानमा बस्न माईकबाट अनुरोध गरिरहेको छ भने जिल्लामा रहेका स्थानीय रेडियोहरुले पनि शनिबार बेलुकी देखि नै भुकुम्प आउन सक्ने भन्दै सर्व साधरणलाई सचेत रहन सन्देश प्रशारण गरिरहेका छन ।
मुगु न्युज डट कम------
चैत्र ३० मुगु-------------------
जिल्ला अदालत नियावली २३ ग मा ब्यबस्था गरिएका ९ वटा मुद्धालाई फाष्ट ट्रयाक ( शीघ्र सुनुवाई )सेवा दिने ब्यबस्था गरिएको भए पनि प्रहरी प्रशासनको असहयोगका कारण यो सेवा अन्यौलमा रहेको छ ।
जिल्ला अदालत मुगुले आईतबार आयोजना गरेको पत्रकार भेटघाट कार्यक्रममा जिल्ला अदालतबाट हुने सबै सेवा समयमै सेवाग्राहीले पाएको भनिए पनि फाष्ट ट्रयाक सेवा अन्र्तगतका मुद्धाका सजाए पाएकाहरुलाई प्रहरी प्रशासनले समात्न नसकेका कारण यो सेवा अन्यौलमा परेको बताईएको हो ।
जिल्ला अदालत नियावली २३ ग मा ब्यबस्था गरिएका अपहरण, शरिर बन्धक, आगलागी, घरेलु हिंसा ,चोरी, जबरजस्ति करण, ज्यान मार्ने बेच्ने ,ठगि, मानब बेचबिखन र लागु औषध गरि यि ९ वटा मुद्धालाई फाष्ट ट्रयाक सेवा दिने भनिए पनि अदालते दोषि ठहराएकाहरुलाई कैद सजाय तोकि समात्न आदेश दिएको भए पनि प्रहरीले दोषि ठहराएका लाई समात्न नसक्दा यो सेवा अन्यौलमा रहेको जिल्ला अदालतका निमित्त श्रेष्तेदार गोकर्ण शर्माले बताए ।
अहिले जिल्ला अदालतमा यि ९ बटा मुद्धाका किसिम मध्य एक जबर जस्तिकरणीमा संलग्न भनिएका ३ जनालाई पुर्पक्षका लागी थुनामा राख्ने जिल्ला न्यायधिश हरि प्रसाद शर्मा पंगेनि उपाध्यको ईजलासले आदेश दिएको भए पनि प्रहरीको कम सक्रियताकै कारण समात्न सकेकाृे छैन भने एक चोरी मुद्धाको दोषिलाई समेत समात्न नसकेको जिल्ला अदालतले जनाएको छ ।
फाष्ट ट्रयाकलाई अन्यौल हुनु जिल्ला अदालतमा कार्यरत भएका न्यायधिशलाई अर्कै जिल्लामा काज राख्नु ,अदालतले कारर्बाहीका लागी दोषि ठहराएका ब्यक्तिलाई प्रहरी नसात्नु र अदालते हजिर हुने आदेश दिएका ब्यतिm समेत अदालतमा उपस्थित नहुनाले यो सेवा अन्यौलमा भएको श्रेष्तादार शर्मालको भनाई छ ।
पत्रकार भेटघाटमा यो बर्ष जिल्ला अदालतले ९३ मुद्धाको फछैयोट गर्ने लक्ष्य राखेको थियो । १६ वटा ब्यक्ति बादी, २२ ब्यक्ति बादी फौजदारी र ५ वटा सरकार बादी फौजदारी मुद्धा फैसला गरेको ५८ बर्ष ७ महिना २ दिन कैद असुल गर्न बाँकि रहेको र ९ लाख २० हजार ९ सय ६९ रुपैया जरिवाना असुल गर्न बाँकि रहेको आफनो प्रतिबेदनमा जनाएको छ ।
मुगु न्युज डट कम----
फागुन १६ मुगु--------
शनिवार देखि जिल्ला विकास समितिको आठौं जिल्ला परिषद सम्पन्न गर्नका लागि कार्यक्रम तथा योजना तर्जुमा गर्न चहल पहल सुरु भएको छ ।
शुक्रवार सर्व पक्षिय अन्र्तक्रिया भए पछि शनिवारबाट पाँचवटा विभिन्न विषयगत समिति गठन गरि गाविस, ईलाका स्तरबाट माग भई आएका आयोजना र जिल्ला विकास समितिबाट आर्थिक वर्ष २०७२ । ०७३ मा सञ्चालन गरिने आयोजना तथा कार्यक्रमका लागि छलफल सुरु भएको छ । आयोजनामा दोहोरोपना हुन नदिन सरकारी तथा गैर सरकारी निकायका प्रस्तावित कार्यक्रमहरु माथि दुई दिनसम्म छलफल गरि प्राथामिकताका आधारमा आयोजना छनौट गरेर जिल्ला विकास समितिको एकिकृत योजना तर्जुमा गोष्ठीबाट अनुमोदन गरे पछि मात्र फागुन २७ हुने जिल्ला विकास समितिको आठौ जिल्ला परिषदमा लगिने जिल्ला विकास समितिले जनाएको छ ।
जिल्ला परिषदले गमगढी नाक्चे लाग्ना सडक, गमगढी ,चंखेली सिमिकोट सडक तथा सडक जोडिने नदिमा पक्की पुल निर्माणलाई पहिलो प्राथामिकता दिने जिविसले जनाएको छ । विगतका वर्षहरुमा जिल्लाले योजना प्रस्ताव गरि राष्ट्रिय योजना आयोगमा पठाए पछि कति योजना स्वीकृत भए र कति बजेट पारित हुन्छ भन्ने कुरा आयोगको दोस्रो रातो किताव प्रकाशन भएपछि मात्र जानकारी हुने गरेको थियो । तर यो वर्ष देखि आयोगले पहिले नै बजेटको अंक उल्लेख गरि पठाएको र जिल्लामा नै योजना र बजेट तोकेर पठाए पछि योजना आयोगले स्वीकृत गर्ने जिल्ला विकास समितिका स्थानीय विकास अधिकारी नारायण प्रसाद रिसालले बताए । उनका अनुसार अब देखि आयोगको दोस्रो रातो किताब प्रकाशन नहुने र समुदाय, गाविस र जिविसमा नै आवश्यकता र प्राथामिकता निर्धारण गरि आयोगले पठाएको बजेट उल्लेख गर्दै योजना प्रस्ताव हुने छन । आर्थिक वर्ष २०७२। ०७३ का लागि राष्ट्रिय योजना आयोगले मुगु जिल्लाका लागि ९३ करोड बढि बजेट अंक तोकि पठाएको जिविसले जनाएको छ ।
मुगु न्युज डट कम---------------
माघ २४ मुगु--------------
गत सोमबार र मंगलबार भएको हिमपातका कारण जुम्लाको डाँफे लेक र माई थाप्ला भन्ने स्थानमा रहेको नेपाल टेलिकमको नमस्ते तथा स्काई मोबाईल टावर हिउँले छोपिए पछि मुगु जिल्लामा मोवाईल तथा ईन्टरनेट सेवा अबरुद्ध भएको छ ।
भारि हिमपातले दुवै ठाउँ राखिएका मोवाईलको रेडियो लिकंमा रहेका ओडियो र आईडियो उपकरणमा खराबी आउदा मंगलबार देखि जिल्लामा नेपाल टेलिकमले वितरण गरेको एडिएसएल ईन्टरनेट सेवा र मोबाईल सेवा अबरुद्ध भए पछि सेवा ग्राही मर्कामा परेका छन । माईथाप्ला र डाँफे लेकमा राखिएको रेडियो लिकंबीचको मोवाईल तरंगमा बिच्छेद भएको र विग्रीएका दुवै उपकरण नेपालगञ्ज देखि जुम्ला पु¥याईए पनि लेकमा हिउँ धेरै रहेकाले प्राविधक जान नसकिने बताएको नेपाल टेलिकम मुगु शाखाले जनाएको छ । हिउँ धेरै भएकाले अब आईतवारसम्म मात्र प्राविधक रेडियो लिकं राखिएको डाँफे लेकमा पुग्ने बताईएको छ । जिल्लामा एडिएसएल सेवा अवरुद्ध भएपछि सरकारी तथा गैर सरकारी कार्यालयका दैनिक कार्य सम्पादनमा समेत बाधा पुगेको छ । मंगलबार देखि नै जिल्लामा कार्यरत सञ्चारकर्मीले समाचार सामाग्री आफ्ना सञ्चार माध्यममा पठाउन पाएका छैनन ।
मुगु न्युज डटकम----------
काठमाण्डौं २४ --------------------
गएको कार्तिक ८ गते परेको असिनाले पिडीत बनेका मुगुका दुई हजार छ सय असिना पिडीत परिवारका लागि नेपाल सरकारले दिएको एक करोड २५ लाख रुपैयाँ नेपाल खाद्य संस्थान केन्द्रीय कार्यालयमा रोकिएको छ ।
असिना पिडीतका लागि नेपाल सरकारले राहत स्वरुप दिएको एक करोड २५ लाख रकमको खाद्यन्न तत्काल मुगु पु¥याउन भन्दै नेपाल खाद्य संस्थानलाई रकम पठाएको थियो । तर नेपाल खाद्य संस्थानले सुर्खेत देखि मुगु सदरमुकाम गमगढी र खत्याड भेगको श्रीकोट वितरण केन्द्रमा खाद्यन्न ढुवानी गर्न ढिलाई गरेको पाईएको छ । यो पिडीतका लागि राहत भएकाले तत्काल खाद्यन्न ढुवानी गर्न धेरै पटक खाद्य संस्थानको केन्द्रीय कार्यालयमा गएको र महा प्रबन्धकले वेवास्ता गरिरहेको राष्ट्रिय प्रजातन्त्र पाटी मुगुका अध्यक्ष राजबहादुर मल्लले बताए । उनिसंगै मुगुका अन्य राजनितिक दलका नेताहरुले दिन दिनै राहत छिटो पठाउन भन्दै खाद्य संस्थानको केन्द्रीय कार्यालय धाईरहेका छन ।
सरकारले खाद्यन्न ढुवानीका लागि संस्थानलाई रकम पठाए पनि सुर्खेत देखि मुगु सदरमुकाम गमगढीसम्मको ढुवानी दर महंगो भएको भन्दै संस्थानले पुन नेपाल खाद्य संस्थान नेपालगञ्ज र सुर्खेतबाट ढुवानी दर माग्ने सोच बनाई रहेको छ । संस्थानले ढुवानी दर पठाउन संस्थानको मुगु शाखा कार्यालयलाई पत्र पठाएपछि माघ १५ गते बसेको जिल्ला खाद्य व्यवस्था समितिको बैठकले चालु आर्थिक वर्षमा खाद्य संस्थानले ढुवानी गरिरहेको दर रेट भन्दा पाँच रुपैयाँ कम गरेर पठाएको छ तर त्यहि पनि केन्द्रीय कार्यालयले मंहगो दर भनिरहेको छ हामी अचम्ममा परेका छौ , मल्लले भने ।
अहिले सुर्खेत देखि मुगु सदरमुकामसम्म नेपाल खाद्य संस्थानको चामल प्रति केजी ३० रुपैयाँका दरले ढुवानी भईरहेको छ । चलन चल्ती ढुवानी दर भन्दा पाँच रुपैयाँ कम गरेर पठाउदा पनि संस्थानका महा निर्देशक शिवहरि श्रेष्ठले महंगो भयो , १९ रुपैयाँ प्रति केजी ढुवानी दर गर्दा राम्रो हुने भनिरहेका र राहत छिटो पठाउनु प¥यो भन्ने हाम्रो अनुरोधलाई वेवास्ता गरेर श्रेष्ठ राजधानी बाहिर घुम्न गएका छन विहिबार खाद्य संस्थानको केन्द्रीय कार्यालयमा भेटिएका राजबहादुर मल्लले भने ।
आपुर्ति तथा बाणिज्य मन्त्रालय हुँदै अर्थ मन्त्रालयबाट संस्थानमा आएको एक करोड पच्चिस लाख रकमले असिना पिडीतका लागि तीन हजार क्वीन्टल खाद्यन्न मुगु पुग्छ । चालु आर्थिक वर्षमा सुर्खेत देखि गमगढीसम्म प्रति केजी ३० रुपैयाँमा ढुवानी भईरहेको अवस्थामा असिना पिडीतका लागि पठाउन लागेको राहतमा जिल्लाले प्रति केजी २५ रुपैयाँ ढुवानी दर पठाएको छ । एउटै आर्थिक वर्षमा दुई दुईवटा ढुवानी दर रेट कायम हुन सक्दैनन ,त्यसैले अब संस्थानको सुर्खेत कार्यालय र नेपालगञ्ज कार्यालयबाट ढुवानी दर रेट माग्छौ नेपाल खाद्य संस्थान केन्द्रीय कार्यालयका निमित्त नायब महा प्रबन्धक पवनकुमार कार्कीले भने ।
सुर्खेत वा नेपालगञ्जबाट असिना पिडीतका लागि राहत खाद्यन्न जान्छ , सुर्खेतबाट ढुवानी दर रेट आउनु पर्ने हो त्यो आएको छैन त्यसैले वैकल्पिक व्यवस्था कसरी गर्ने भन्ने कुरा सोचिरहेका छौ । टेण्डर गरौं भने तीस दिन लाग्छ, जिएम सर आउनु भए पछि हामी निर्णय गर्छौ कार्कीले भने । तीस रुपैयाँ प्रति केजी खाद्यन्न ढुवानी भईरहेको अवस्थामा जिल्लाले २५ रुपैयाँ ढुवानी दर कायम गरेर पठाएको प्रसंगमा कार्कीले केही बोलेनन तर उनले महा निर्देशक शिवहरि श्रेष्ठ काठमाण्डौ बाहिर रहेकाले राहत कसरी पठाउने भन्ने विषयमा निर्णय गर्न निकै गाह्रो परिरहेको बताए । अब उहाँ आईतबार आउनु हुन्छ ,यो विषयमा के गर्ने भन्ने विषयमा निष्कर्ष आउछ कार्कीको जवाफ थियो ।
कृषि तथा सहकारी मन्त्रालयले दिने भनेको दुई करोड रकमको समेत निकासा भएको छैन । प्रधानमन्त्री राहत कोषबाट गएको २५ लाख जिल्ला स्तरमा संकलन भएको दुई लाख पचास हजार रुपैया मात्र असिना पिडीतले तिन महिना पछि पाएका छन । तर यति राहतले पिडीतलाई एक छाक पनि पुग्दैन , माथीबाट आउने राहतको आश गरेका थियौं , अहिलेसम्म आएन , अलिकति भए पनि हामीसंग जम्मा भएको २७ लाख पचास हजार राहत वितरण गरिसकेका छौं ,जिल्ला प्रशासन कार्यालयका निमित्त प्रमुख जिल्ला अधिकारी लक्ष्मीप्रसाद भट्टराईले बताए ।
गएको कार्तिक ८ गते परेको असिनाले श्रीनगर, कार्कीवाडा, सेरी, श्रीकोट, गम्था, कोटडाँडा लगायतका गाविसमा पाकेको धान, कोदा, सिमी फापर बाली नष्ट गरेको थियो । जिल्ला कृषि विकास कार्यालयले दुई हजार ६ सय घर परिवारको १३ करोड बढिको अन्नबाली क्षति भएको बताएको थियो ।
मुगु न्युज डटकम------------
माघ ५ मुगु-------------------
हामीले एक वर्ष अघि सिचाई कुलो निर्माण गरि कुलोमा पानी बग्ने बनाई सक्यौ तर अहिलेसम्म काम गरेको ६० लाख रुपैयाँ ज्याला पाउन सकेका छैनौ , अब ठेकेदारलाई मुद्दा हाल्ने तयारीमा छौं , छिमेकी हुम्ला जिल्ला जैर गाविसका मजदुर दशरथ मल्लले भने ।
मल्ल मात्र होईनन गुल्म सिचाई आयोजना निर्माण कार्यमा संमलग्न दर्जनौ मजदुरले आयोजना सम्पन्न भएको एक वर्षसम्म पनि लाखौ रकम पाउन सकेका छैनन । आयोजना घर नजिकै भएकाले काम गर्न गईयो आएको रकमले बालबच्चाको पढाई खर्च गरौला , विहान बेलुका परिवारको पेटमा हाल्ने खानाको व्यवस्था गरौला भन्ने आशाले वर्षौ कुलो बनाउने काममा लाग्यौ , तर आयोजना सकिएको एक वर्षसम्म पनि ज्याला पाईएन परिवार पाल्न नै धौं धौं भयो यहाँ काम गर्नु भन्दा हाट (भारत ) गएको भए बढि कमाई हुन्थ्यो नाथर्पु गाविसका स्थानीयवासी मकुन्द दमाईले बताए । आयोजना सम्पन्न भएको एक वर्ष पुग्न लाग्दा समेत रकम भुक्तानी नदिए पछि गुल्म सिचाई आयोजनामा दैनिक ज्याला मजदुर गरेका मजदुर मर्कामा परेका छन ।
४२ वर्ष पहिले सुरु भएको सोरु भेकको नाथर्पु गाविसमा पर्ने गुल्म सिचाई आयोजना गएको फागुनमा मात्र सम्पन्न भएर कुलोमा पानी चलेको थियो । उपभोक्ता मार्फत ३६ लाख र ठेकेदार मार्फत २ करोड २८ लाखको लागतमा आयोजना २०७० फागुनमा सम्पन्न भएको थियो । सबै भन्दा खर्चिलो र लामो अबधी लागेको यो आयोजनाको निर्माण कार्यको जिम्मा लिएको द कञ्चनजंघा नेपाल पब्लिक जेभी प्रालीका ठेकेदारहरुले साहुबाट तीन प्रतिशत व्याजमा ऋण लिएर केही भुक्तानी गरे पनि काममा खटिएका मजदुरलाई ज्याला दिन नसकेको बताएका छन । आयोजनामा काम गर्ने मजदुर रकम माग्न आउछन साहुबाट व्याजमा लिएको ऋण तिर्न हैरान भएको छ सिचाई सव डिभिजन कार्यालय जुम्लाले भुक्तानी दिएको छैन ठुलो समस्यामा छौ आयोजना निर्माण कम्पनिका ठेकेदार लक्ष्मण कुमार शाहीले बताए ।
आयोजनाका विषयमा अख्तियार दुरुपयोग अनुसन्धान आयोगमा मुद्दा परे पछि आयोजना सम्पन्न भएको ११ महिना पछि पनि भुक्तानी हुन नसकेको ठेकेदार कम्पनिले जनाएको छ । विषयमा जिल्ला प्रशासन कार्यालय मुगु र अख्तियार दुरुपयोग अनुसन्धान आयोग मध्य पश्चिमाञ्चल क्षेत्रीय कार्यालय सुर्खेतको टोली समेत आयोजना स्थलको अध्ययन गरेर प्रतिवेदन समेत बुझाई सके पनि के कारणले भुक्तानी रोकियो भन्ने कुराको जवाफ कसैले नदिएको कम्पनिले जनाएको छ । ३५ हेक्टर जमिनमा सिचाई गर्ने लक्ष्यले दुई दशक पहिले सुरु गरिएको आयोजना सम्पन्न भए पनि आयोजना निर्माणमा खटिएका मजदुरले ६० लाख ज्याला पाउन सकेका छैनन । सिचाई पुगे पछि अहिले गहुँ बाली र धानबाली समेत उत्पादन भईसकेको छ । बर्षेनी कर्णाली नदिमा आउने बाढीले सिचाई नहरको मुहान बगाउने र भु वनोट समेत कमजोर रहेकाले आयोजनाको निर्माण कार्य सम्पन्न गर्न ढिलाई भएको बताईएको छ । साढे पाँच किलो मिटर लम्बाई रहेको आयोजनाले भिई, फोतु र नार्थपु गाविसका स्थानीयवासीको जमिनलाई सिचाई प्रदान गरेको छ ।
मुगु न्यजडटकम............
रारा गाउ विकास समितिको सातौं गाउ परिषदमा कर्मचारीलाई नियन्त्रणमा लिएर केही युवाले आफु खुसीका योजना समेट्दै परिषद सम्पन्न गरेको भन्दै स्थानीयवासीहरु नारा जुलुश सहित आईतवार सदरमुकाम आई पुगेका छन ।
पुर्व निर्धारित समय अनुसार पौष २७ देखि २९ गतेसम्म गाविसको सातौ गाउँ परिषद सम्पन्न गर्ने भने अनुसार २७ गते गाविस भरिका स्थानीयवासी , वडा नागरिक मञ्च, आमा समुह , विषयगत कार्यालयका प्रतिनीधी सहित सरोकारवाला निकायका प्रतिनीधी सहभागि भए पनि रारा गाविस वडा नम्बर १ गिलाहका धर्मबहादुर शाहीको नेतृत्वमा गएको केही युवाको समुहले होहल्ला गरे पछि परिषदमा सहभागि हुन पुगेका गाविस वासीहरु परिषद स्थलबाट हिडेका र शाहीको समुहले गाविसका कर्मचारीसंग रहेको कागजात नियन्त्रणमा लिएर परिषद सम्पन्न गरेको हो ।
साँझ ६ बजे काखे बालबालिका सहित आई पुगेका रारा गाविसका स्थानीय महिला पुरुषहरुले गाविसको सम्पर्क कार्यालय रहेको सदरमुकाम गमगढी स्थित सोही गाविसका प्राविधिक सहायक जनक बुढाको घरमा धर्ना दिएका छन । परिषदको उद्घाटनमा नै हो हल्ला गरे पछि स्थानीयवासीले परिषद स्थल छोडेका र गाविस सचिव पदम भण्डारीलाई कुट्न खोज्दा सचिव चुप लागे पछि आफुसंग रहेको कागज पत्र शाहीले खोसेर लगेको प्राविधिक सहायक जनक बुढाले बताए । कागज पत्र खोसेर लगे पछि वडा नागरिक मञ्च, लक्ष्यीत वर्ग, आमा समुह तथा गाविसको एकिकृत योजना तर्जुमा गोष्ठीले बनाएका योजना भन्दा बाहेक गाविसका ९ वटै वडामा आर्थिक वर्ष ०७२ ।०७३ का लागि प्रस्तावित गरिएको २२ लाख रकम दामासाहीका दरले भागबण्डा गर्ने निर्णय एकलौटी रुपमा गरेको प्राविधिक सहायक बुढाले बताए ।
गाउँ गाउँमा वडा नागरिक मञ्चका , आमा समुह महिला तथा समुदायले कुन कुन योजना सञ्चालन गर्ने भन्ने विषयमा पहिले नै समुदायमा छलफल गरेर छनौट गरेका थियौ तर सदरमुकाममा बस्ने गाउँका योजना सदरमुकाममा बनाएर स्थानीयको विकासको रकम खानेले सचिवसंग मिलेर सुटुक्क परिषद सम्पन्न गरे पछि बालबच्चा बोकेर न्याय माग्न सदरमुकाम आएका छौ रारा गाविस वडा नम्बर ३ कि रिठु रोकायाले बताईन । स्थानीयवासीले सोमबार परिषद पुन हुनु पर्ने , दोषीलाई कारवाही गरिनु पर्ने तथा अहिलेका गाविस सचिवलाई हटाएर अर्को गाविस सचिव पठाउनु पर्ने भन्दै जिल्ला प्रशासन कार्यालयमा धर्ना दिने बताएका छन । गाविसबाट नारा जुलुस सहित ६० जना भन्दा बढि महिला पुरुष सदरमुकाम पुगेका छन । रारा गाविसको परिषदको विषयमा आफुलाई अहिलेसम्म कुनै जानकारी नआएको र त्यस्तो भएको भए आवश्यक विकल्प सहित प्रक्रिया अघि बढाईने जिल्ला विकास समितिका स्थानीय विकास अधिकारी नारायणप्रसाद रिसालले जानकारी दिए ।
रारा गाउ विकास समितिको सातौं गाउ परिषदमा कर्मचारीलाई नियन्त्रणमा लिएर केही युवाले आफु खुसीका योजना समेट्दै परिषद सम्पन्न गरेको भन्दै स्थानीयवासीहरु नारा जुलुश सहित आईतवार सदरमुकाम आई पुगेका छन ।
पुर्व निर्धारित समय अनुसार पौष २७ देखि २९ गतेसम्म गाविसको सातौ गाउँ परिषद सम्पन्न गर्ने भने अनुसार २७ गते गाविस भरिका स्थानीयवासी , वडा नागरिक मञ्च, आमा समुह , विषयगत कार्यालयका प्रतिनीधी सहित सरोकारवाला निकायका प्रतिनीधी सहभागि भए पनि रारा गाविस वडा नम्बर १ गिलाहका धर्मबहादुर शाहीको नेतृत्वमा गएको केही युवाको समुहले होहल्ला गरे पछि परिषदमा सहभागि हुन पुगेका गाविस वासीहरु परिषद स्थलबाट हिडेका र शाहीको समुहले गाविसका कर्मचारीसंग रहेको कागजात नियन्त्रणमा लिएर परिषद सम्पन्न गरेको हो ।
साँझ ६ बजे काखे बालबालिका सहित आई पुगेका रारा गाविसका स्थानीय महिला पुरुषहरुले गाविसको सम्पर्क कार्यालय रहेको सदरमुकाम गमगढी स्थित सोही गाविसका प्राविधिक सहायक जनक बुढाको घरमा धर्ना दिएका छन । परिषदको उद्घाटनमा नै हो हल्ला गरे पछि स्थानीयवासीले परिषद स्थल छोडेका र गाविस सचिव पदम भण्डारीलाई कुट्न खोज्दा सचिव चुप लागे पछि आफुसंग रहेको कागज पत्र शाहीले खोसेर लगेको प्राविधिक सहायक जनक बुढाले बताए । कागज पत्र खोसेर लगे पछि वडा नागरिक मञ्च, लक्ष्यीत वर्ग, आमा समुह तथा गाविसको एकिकृत योजना तर्जुमा गोष्ठीले बनाएका योजना भन्दा बाहेक गाविसका ९ वटै वडामा आर्थिक वर्ष ०७२ ।०७३ का लागि प्रस्तावित गरिएको २२ लाख रकम दामासाहीका दरले भागबण्डा गर्ने निर्णय एकलौटी रुपमा गरेको प्राविधिक सहायक बुढाले बताए ।
गाउँ गाउँमा वडा नागरिक मञ्चका , आमा समुह महिला तथा समुदायले कुन कुन योजना सञ्चालन गर्ने भन्ने विषयमा पहिले नै समुदायमा छलफल गरेर छनौट गरेका थियौ तर सदरमुकाममा बस्ने गाउँका योजना सदरमुकाममा बनाएर स्थानीयको विकासको रकम खानेले सचिवसंग मिलेर सुटुक्क परिषद सम्पन्न गरे पछि बालबच्चा बोकेर न्याय माग्न सदरमुकाम आएका छौ रारा गाविस वडा नम्बर ३ कि रिठु रोकायाले बताईन । स्थानीयवासीले सोमबार परिषद पुन हुनु पर्ने , दोषीलाई कारवाही गरिनु पर्ने तथा अहिलेका गाविस सचिवलाई हटाएर अर्को गाविस सचिव पठाउनु पर्ने भन्दै जिल्ला प्रशासन कार्यालयमा धर्ना दिने बताएका छन । गाविसबाट नारा जुलुस सहित ६० जना भन्दा बढि महिला पुरुष सदरमुकाम पुगेका छन । रारा गाविसको परिषदको विषयमा आफुलाई अहिलेसम्म कुनै जानकारी नआएको र त्यस्तो भएको भए आवश्यक विकल्प सहित प्रक्रिया अघि बढाईने जिल्ला विकास समितिका स्थानीय विकास अधिकारी नारायणप्रसाद रिसालले जानकारी दिए ।
मुगु न्युज डट कम--------------------
माघ ४ मुगु-------------------
जिल्लाको समग्र विकासका लागि निर्माण हुने आवधिक योजनाका लागि प्रारम्भिक चरणमा संकलन गरिएको सुचना र तथ्याकं प्रस्तुती गरि सुझाव संकलन कार्य सुरु गरिएको छ ।
आईतवार जिल्ला विकास समितिले आयोजना गरेको कार्यक्रममा जिल्ला विकास रणनिती अनुसार बन्न लागेको आवधिक योजनाका प्रारम्भिक तथ्याकंहरु अधुरा र अस्पष्ट भएकाले यर्थात तथ्याकं संकलन गरिनु पर्ने सहभागिले सुझाव दिएका छन । जिल्ला स्वास्थ्य कार्यालय, जिल्ला शिक्षा कार्यालय, कोष तथा लेखा नियन्त्रण कार्यालय , रारा राष्ट्रिय निकुञ्ज कार्यालयबाट तथ्याकं आउन नसक्दा समस्या परेको आवधिक योजना निर्माणका लागि सहजीकरण गरिरहेका गाविस महासंघ केन्द्रीय समितिका सहजकर्ता सुरेन्द्र वाग्लेले बताए । जिल्ला स्वास्थ्य कार्यालयबाट जिल्लाको पोषणको अवस्था प्रसुति चेक जाँच र दक्ष स्वास्थ्यकर्मिबाट स्वास्थ्य संस्थामा प्रसुति गराउने गर्भवति महिलाको तथ्याकं समेत नआए पछि कार्यक्रमका सहभाागिहरुले विषयगत कार्यालयहरुले नै आ आफनो कार्यालयको तथ्याकं प्रस्तुती गर्नु पर्ने बताएका छन ।
सरकारी कार्यालयले कार्यालयमा राख्ने र आवधिक योजनाका लागि प्रारम्भीक चरणमा दिएको तथ्याकं गैर जिम्मेवार पुर्ण तरिकाले दिएका र यसले आवधिक योजना राम्रो नबने हुँदा तत्काल सवै तथ्याकं यर्थात उपलब्ध गराउन प्रमुख जिल्ला अधिकारी शम्भुप्रसाद रेग्मीले सम्बन्धित कार्यालयलाई निर्देशन दिए । विगतमा हतार हतार योजना निर्माण गरि कार्यान्वयन गर्न खोज्दा जिल्लाको विकास हुन नसकेको अवस्थामा अहिले पनि आवधिक योजना निर्माण गर्न सुरुमा नै गलत तथ्याकं ल्याउदा प्रभावकारी हुन नसक्ने नेपाली काँग्रेसका सभापति ऐनबहादुर शाहीले बताए । जिल्लामा विकास गर्ने भन्दा विकास खाने प्रवृत्ती हावी भएकाले अव बन्ने जिल्ला विकास आवधिक योजनाका लागि विषयगत र क्षेत्रगत रुपमा गम्भीर छलफलहरु हुनु पर्ने शाहीले बताए । आवधिक योजनाका लागि संकलन गरिएका तथ्याकं र त्यसको प्रस्तुती विकल्प सहित हुनु पर्ने नेकपा एमालेका सचिव जितबहादुर मल्लले बताए । आवधिक योजनालाई आधार मानेर नै बार्षिक जिल्ला विकास योजना निर्माण हुने भएकाले यस कार्यलाई सबै क्षेत्र र तहबाट सहयोग हुनु पर्ने स्थानीय विकास अधिकारी नारायणप्रसाद रिसालको भनाई थियो । आईतवार गरिएको तथ्याकं प्रस्तुतीमा सबै भन्दा बढि शिक्षा र स्वास्थ्यसंग सम्बन्धित तथ्याकंमा दोहोरो पन र त्रुटि देखिएको छ ।
यो योजनाको प्रारम्भिक चरणमा केही त्रुटी भए पनि यस पछिका कार्यक्रमहरुमा त्रुटी सच्याउदै छुट भएका विषयवस्तु समेट्दै जान् र नियमित रुपमा सरोकारवाला निकायबीच निरन्तर अन्तरक्रिया सञ्चालन गरिने जिल्ला विकास समितिका सामाजिक सुरक्षा अधिकृत हिरा भामले जानकारी दिए ।
मुगु न्युज डट कम----------------------------
पौष २९ मुगु --------------------
नेपाल शिक्षक युनियनले राट्रिय योजना आयोगका उपाध्यक्ष डाक्टर गोविन्द पोखरेललाई विभिन्न पाँच बुदे माग प्रस्तुत गरेको छ ।
सोमबार भौतिक पुर्वाधार तथा यातायात मन्त्री विमलेन्द्र निधी सहितको टोलीमा कर्णाली करिडोर अनुगमनका क्रममा जिल्ला सदरमुकाम गमगढीमा पुगेका उपाध्यक्षलाई प्रस्तुत गरिएको माग पत्रमा कर्णाली अञ्चलका विभिन्न जिल्लामा बाहिरबाट आएर शिक्षक पेशामा सेवारत शिक्षकहरुको लगत संकलन गरिनु पर्ने , ति शिक्षकहरुको घर पायक रहेका विद्यालय विशेष दरबन्दि सृजना गरि सरुवा पदस्थापना गर्नु पर्ने र खाली हुन आएका कर्णालीका शिक्षक दरबन्दिमा कर्णाली अञ्चलका वेरोजगारहरुलाई प्राथामिकता दिने व्यवस्था मिलाउन विषेश पहल गरि दिन माग गरिएको छ ।
युनियनका अध्यक्ष लोकेन्द्रबहादुर मल्लद्धारा हस्ताक्षरित माग पत्रमा सुगम जिल्लाहरुमा विशेष दरबन्दि सृजना गरि सरुवा पदस्थापना गर्दा त्यहाँका विद्यालयलाई कुनै मर्का नपर्ने र यस प्रक्रिया अपनाउदा सुगमका विद्यालयहरुमा आर्थिक चलखेल र अन्य अनियमितता अन्त्य हुन सक्ने उल्लेख छ । विशेष दरबन्दिमा सरुवा भई जाने शिक्षक शिक्षिकाहरुको उमेरको हदबन्दिले स्वत दरबन्दि समाप्त हुने व्यवस्था मिलाउन पनि माग पत्रमा उल्लेख छ । माग पत्र बुझिसके पछि उपाध्यक्ष पोखरेलले प्रस्तुत गरिएका मागलाई अब बन्ने शिक्षा नितीमा समावेश गर्नका लागि पहल गर्ने प्रतिबद्धता जनाएको नेपाल शिक्षक युनियन मुगुले जनाएको छ ।
मनिराज पाण्डे------------
पौष २८ कालिकोट--------------
खुलालु–हिल्सा सडक खण्डलाई राजमार्ग संग जोड्न कर्णाली नदीमा पक्कीपुल निर्माणका लागि सोमबार सिलान्यास भएको छ ।
नेपाल सरकार भौतिक पूर्वाधार तथा यातायात मन्त्री बिमलेन्द्र निधिले पक्कीपुल निर्माणका लागि शिलान्यास गर्नु भएको हो ।
भर्ताको कालेखोला देखि लालुको खुलालु जोड्ने उक्त पुलको शिलान्यास कार्यक्रममा राष्ट्रिय योजना आयोगका उपाध्यक्ष गोविन्द पोख्रेल, भौतिक पूर्वाधार तथा यातायात मन्त्रालयका सचिव, कर्णाली अञ्चलबाट निर्वाचित संविधान सभा सदस्य सहित २१ जनाको टोली नेपाली सेनाको हेलिकप्टरमा कालिकोटको खुलालु आएको हो ।
पुलको निर्माण कार्य एक बर्ष भित्र सम्पन्न हुने मन्त्री निधिले बताए । १२ करोड २८ लाख ८४ हजार २ सय ८५ रुपैयाको लागतमा निर्माण हुन लागेको पुल ७४ दशमलव ८८ मिटर लामो हुने छ ।
पुल निर्माणको जिम्मा कन्काई नेपाल प्रगतिजेवि काठ्माण्डौले लिएको छ । शिलान्यास कार्यक्रममा बोल्दै मन्त्रि निधिले कर्नालीको मुल द्धारको रुपमा रहेको खुलालु–हिल्सा सडक खण्डमा उक्त पुलको सिलान्यास गर्ने अवसर मिलेकोमा खुसी ब्यक्त गरे ।
कर्णालीको समग्र विकासको लागि आफु र आफ्नो मन्त्रलयबाट हुन सक्ने सहयोग निरन्तर गरिरहने मन्त्री निधिले बताए ।
कर्णालीका सम्पदाको प्रयोग गर्न सके कर्णाली नेपालकै समृद्ध क्षेत्र बन्न सक्ने राष्ट्रिय योजना आयोगका उपाध्यक्ष डा.गोविन्द्र पोख्रेलले बताए । तिला र कर्नालीको हाइडोपावर निकाल्न सकेमात्र कालिकोटमा आर्थिक श्रोत बृद्धिहुने पोख्रेलले भनाई छ ।
पुल निर्माण पछि कालिकोटका १७ वटा गाविस र बाजुरा, हुम्ला, मुगुका अधिकांस ठाउँहरुमा एकै साथ सडक विस्तार हुने यहाँका सबिधान सभा सदस्य सभासद महेन्द्र शाही (प्रजोलले) बताए ।
खुलालु हिल्सा खण्ड निर्माण कार्य समयमै सम्पन्न गर्न नेपाली सेनालाई जिम्मा दिईएको छ ।
मुगु न्युज डट कम--------------
पौष २९ मुगु---------------------
गएको शुक्रवार विहान एक्कासी चलेको हावा हुरीले विद्यालयको छाना उडाई दिएपछि अहिले ति विद्यालयका विद्यार्थी चौरमा बसेर पढ्न बाध्य भएका छन ।
शुक्रबार विहान दश बजे तिर चलेको हावा हुरिले रोवा गाविस वडा नम्बर ९ कम्फा गाउँमा रहेको जन जागृती प्राथामिक विद्यालयको पाँच कोठे भवनको छानो उडाई दिएको थियो । छानो उडाए पछि विद्यार्थीलाई चौरमा र छानो उडाएको कक्षा कोठा भित्र राखेर पढाउनु पर्ने बाध्यता रहेको विद्यालयका प्रधानाध्यापक कर्णसिंह बोहराले जानकारी दिए । अर्को दुई कोठे भवनको छानालाई गाउँलेहरु आएर ठाउँ ठाउँमा डोरी बाँधेर ठुलठुला ढुंगामा बाँधे तर अर्को पाँच कोठे भवन जोगाउन सकिएन अब पानी पर्दा विद्यालय बन्द गर्नु पर्ने अवस्था आईसक्यो बोहराले भने । अहिले यो विद्यालयको कोठाका भित्ता समेत चर्किएका छन । त्यस्तै रुगा गाविसको तिर्प गाउँमा रहेको सरस्वती प्राथामिक विद्यालयको नव निर्मित दुई कोठे भवनको समेत छानो उडाई दिएको छ ।
यो विद्यालय जिल्ला शिक्षा कार्यालयको आठ लाखको लागतमा निर्माण गरिएको थियो तर हस्तान्तरण भने भईसकेको थिएन । भर्खरै निर्माण कार्य सम्पन्न भएको र जिल्ला शिक्षा कार्यालयलाई नबुझाउदै भवनको छाना हावाले उडाई दिए पछि स्थानीयवासी थप समस्यामा परेका छन । भवनको रंगरोगन गर्न मात्र बाँकि रहेको भवनको छाना उडेको र हस्तान्तरण नहुँदै छाना गए पछि यो विषयमा के गर्ने भन्ने विषयमा केही भन्न नसकिने जिल्ला शिक्षा कार्यालयका सब ईन्जिनियर नेताप्रसाद चौलागाईले बताए । मैले छाना उडाएका सबै विद्यालय पुगेर त्यहाँको अवस्थाबारे कार्यालयलाई प्रतिवेदन पेश गरेको छु तर यो वर्षमा के हुन्छ थाहा छैन कार्यालयमा अहिले एक जना सहायक लेखापाल बाहेक अरु कोही छैनन चौलागाईले भने ।
यस्तै हावा हुरीले ईलाका स्वास्थ्य चौकि ढुंगेधाराको पुरै छानो उडाए पछि अहिले त्यहाँ पुग्ने विरामीका लागि संगै रहेको प्रसुति गृहमा बसेर उपचार गर्नु परेको स्वास्थ्य चौकि ईन्चार्ज शिवहरि रोकायाले बताए । स्वास्थ्य चौकि भवनका पाँचवटा कोठाको छाना उडाए पछि विरामीको चाप थेग्न मुश्किल भएको रोकायाले जानकारी दिए । स्वास्थ्य चौकि संगै रहेको एक निजी विद्यालय र पशु सेवा केन्द्रको छाना समेत उडाई दिएको छ । विद्यालय , स्वास्थ्य चौकिको छाना उडाएको दुई दिन पछि मातहतका कार्यालयबाट अनुगमनका लागि सरकारी तथा सरोकारवालाहरुको एक टोलीले अनुगमन गरेर गएको छ छिट्टै सहयोग हुन्छ भन्ने अपेक्षा गरेका छौ उनले भने ।
मुगु न्युज डट कम---------
पौष २२ मुगु-----------------
नेपाल सरकारले आमा र नवजात शिशुका लागि मातृ शिशु स्याहार कार्यक्रम सञ्चालन गरिरहेको भए पनि मुगुमा भने स्वास्थ्य संस्थामा पुगेर प्रसुति सेवा लिने गर्भवती महिलाको संख्या २५ प्रतिशत मात्र रहेको पाईएको छ ।
गएको हप्ता जिल्ला स्वास्थ्य कार्यालयको आयोजनामा सदरमुकाम गमगढी देखि ढेढ घण्टा टाढा रहेको पिना गाविसको स्वास्थ्य चौकि र प्रसुति सेवा तथा पोषणका विषयमा गरिएको संयुक्त अनुगमनले त्यस्तो देखाएको हो । जिल्ला भरिकै नमुना स्वास्थ्य चौकि र प्रसुति गृहका रुपमा गनिएको पिना स्वास्थ्य चौकि र प्रसुति गृहको तथ्याकंले जिल्ला भरिकै अवस्था देखाएको अनुगमनमा सहभागिले बताए । स्वास्थ्य चौकिमा पुगेका २० जना आमाहरु मध्य १४ जनाले आफ्नै घरमा सुत्केरी भएको बताए । गाविसमा प्रसुती गृह भए पनि दुर्गमताका कारण प्रसुति गृहमा पुग्न नसकेको वडा नम्बर १ घुईर गाउँकी धनलक्ष्मी रावलले बताईन । कहिलेकाँही राती व्यथा लाग्छ प्रसुती गृह टाढा हुन्छ त्यस कारण पनि हामीले घरमा नै सुत्केरी हुनु पर्छ रावलको भनाई छ । स्वास्थ्य चौकि रहेकै गाउँ पिनाका महिलाहरु प्नि घरमा नै सुत्केरी हुने गरेका छन । गाउँमा प्रसुति गृह भए पनि व्यथा लाग्दा स्वास्थ्य संस्था जाउ भन्ने मान्छे भएनन म आफै जान सकिन घरमा नै सुत्केरी भएँ पिना गाउँकी छिता शाहीले बताईन ।
सरकारले सुरक्षित सुत्केरी गराउन हरेक गाविसमा स्वास्थ्य चौकि र पायक पर्ने स्थानमा जिल्ला भरिमा ९ वटा प्रसुति गृह स्थापना गरि दिए पनि गर्भवती महिलाको पहुँच पुग्न नसकेको देखिएकाले अविलम्ब सरकारी सेवा प्रदान गर्न गर्भवती महिला र तिनका परिवार लक्ष्यीत गरि जनचेतना मुलक कार्यक्रम सञ्चालन गर्नु पर्ने जिल्ला प्रशासन कार्यालयका प्रमुख जिल्ला अधिककारी शम्भुप्रसाद रेग्मीले बताए । सदरमुकाममा नै ७५ प्रतिशत गर्भवती महिला घरमा सुत्केरी हुने गरेको स्वीकार गर्दै जिल्ला स्वास्थ्य कार्यालयका सिनियर अहेव पशुराम नेपालीले सवैको पहुँच प्रसुति गृहसम्म विस्तार गर्न जनचेतना मुलक कार्यक्रमलाई पहिलो प्राथामिकता दिईनु पर्ने बताए ।
मुगु न्युज डट कम----------------
पौष २२ मुगु-------------------------------
नेपाल विद्युत प्र्राधिकरण गमगाढ जल विद्युत वितरण केन्द्रले वितरण गरेको विद्युत सेवा अनियमित हुन थाले पछि एसएलसी परिक्षाको तयारी गरिरहेका विद्यार्थीलाई समस्या परेको छ ।
चैत्र पहिलो हप्ताबाट सुरु हुने एसएलसीका लागि तयारी गर्न सदरमुकाम गमगढी स्थित महाकाली उच्च माध्यामिक विद्यालयका मात्रै डेढ सय विद्यार्थीले विहान पाँच बजे देखि विज्ञान, गणित र अँग्रेजी विषयका अतिरिक्त कक्षामा पढिरहेका छन । विद्यालयका विषयगत शिक्षकलाई विद्यार्थीले आफ्नै खर्च व्यहोर्ने गरि अतिरिक्त कक्षा सञ्चालन गर्न भने पछि पौषको पहिलो साताबाट सुरु गरिएका अतिरिक्त कक्षा गमगाढ विद्युत वितरण केन्द्रको विद्युत उत्पादन गृहमा समस्या उत्पन्न भए पछि १८ गते सम्म पुर्ण रुपमा विद्युत अबरोध भएको थियो । अहिले विद्युत सेवा सुचारु भए पनि वितरण केन्द्रले विहान सात बजे देखि राती दश बजेसम्म मात्र विद्युत सेवा प्रवाह गर्न थालेपछि विहान पख सञ्चालन हुने एसएलसी परिक्षाका अतिरिक्त कक्षा प्रभावित हुने गरेका छन ।
विहान पाँच बजे देखि सञ्चालन हुने गणित, अँग्रेजी र विज्ञान विषयका अतिरिक्त कक्षा विद्युत अभावका कारण प्रभावित भईरहेका महाकाली उच्च माध्यामिक विद्यालयले जनाएको छ । एसएलसी परिक्षाको तयारी गर्नका लागि विद्यार्थीले गाह्रो विषयमा ट्यूशन पढ्न खोजे पनि विद्युत अनियमितताका कारण पाठ्यक्रम सोचे जस्तै अगाडी बढाउन नसकिएको विद्यालयका गणित शिक्षक श्रीराम लामिछानेले बताए । विद्युत उत्पादन गृहमा रहेका उपकरणमा खराबी आए पछि अबरुद्ध रहेको विद्युत सुचारु गराउन नेपाल विद्युत प्राधिकरणले प्राधिकरणका र्ईन्जिनियर डम्बर केसीलाई जिल्ला पठाएको छ ।
केसीले तत्कालका लागि विद्युत सुचारु गरे पनि चिसोका कारण विद्युत धेरै खपत हुने भएकाले मेशिनले लोड धान्न नसक्दा राती दश बजेबाट विद्युत सेवा बन्द गर्नु परिरहेको नेपाल विद्युत प्राधिकरण गमगाढ वितरण केन्द्रले जनाएको छ । चार सय किलोवाट उत्पादन क्षमता रहेको विद्युत गृहमा रहेका दुईवटा टर्वाईन पहिले नै विग्रिएको र अर्को टर्वाईनले पनि दुई सय किलो वाट विद्युत उत्पादन गर्नु पर्नेमा एक सय ५० किलोवाट मुश्किलले उत्पादन गरिरहेको वितरण केन्द्रले जनाएको छ । विग्रिएको टर्बाईनका लागि नेपालगञ्ज देखि सामान आउन बाँकि रहेको तथा चलेको टर्बाईनको बनाउने क्रम जारी रहेकाले सामान नआई पुग्दासम्म विद्युत नियमित हुन नसक्ने वितरण केन्द्रका कर्मचारी पुरनसिंह भामले जानकारी दिएका छन ।
मुगु न्युज डट कम---------------------------
पौष २० मुगु------------------------------
जिल्ला बन कार्यालय मातहत जिल्लाको उत्तरी क्षेत्रमा पर्ने सोरु भेकको जिमा गाविसमा रहेको ईलाका बन कार्यालयको भवन खच्चड गोठमा परिणत भएको छ ।
छ जना कर्मचारी सहितको दरबन्दी रहेको ईलाका बन कार्यालय सोरुकोटमा खटाईएका कर्मचारी बस्न छोडे पछि सर्व साधारणले खाली भवनमा खच्चड बाँध्ने गरिरहेका छन । सोरु भेकका सात गाविसलाई हेर्ने गरि कार्य क्षेत्र निर्धारण गरिएको ईलाका बन कार्यालयका कर्मचारी कार्य क्षेत्रमा नबस्ने जिल्ला बन कार्यालयमा हेर्दा ईलाकाका कर्मचारी कार्य क्षेत्रमा नै बसेको देखिन्छ । बन कर्मचारी कार्यालयमा पनि नबस्ने कार्य क्षेत्रमा समेत नजाने हुँदा सोरु क्षेत्रका सामुदायिक वन र राष्ट्रिय बन अहिले उजाड बनिरहेका छन । सामुदायिक त के राष्ट्रिय बन समेत मासिदा त्यसको संरक्षण र रोकथामका लागि कसैले बोल्न नसकेको सोरु भिई गाविसका स्थानीयवासी मुन बुमीले बताए । दिन प्रतिदिन बन जंगल मासिदै गए पछि काठ दाउरा, घाँसको त समस्या बढ्दै गएको छ भने गाउँ आसपास रहेका पानीका स्रोतहरु समेत सुक्दै गएको स्थानीयवासीले बताएका छन ।
वनका कर्मचारी कार्य क्षेत्र नबस्ने रोग सोरु भेगको मात्र नभई जिल्ला भरि नै यस्तै छ । ईलाका वन कार्यालयका लागि एक जना अधिकृत सहित ६ जना कर्मचारीको दरबन्दि रहने भए पनि रेञ्जरको दरबन्दि अनुसार बन मन्त्रालयले अहिलेसम्म रेन्जरका लागि कुनै पहल नगरिदिदा थप समस्या आएको जिल्ला बन कार्यालयका वन अधिकृत शिलानाथ झाले जानकारी दिए । ईलाका बन कार्यालय सोरुकोटमा रहेको भवन कर्मचारी नजाँदा खच्चड बाँध्ने गोठ भएको भन्ने जानकारी आउदा अहिले त्यहाँ चार जना बन कर्मचारी पठाई सकिएको र एक जना अधिकृत पठाउन बाँकि रहेको जिल्ला बन कार्यालयले जनाएको छ । रेन्जरको व्यवस्था गरि दिन मैले दुई तीन पटक बन विभागलाई परिपत्र गरिसके सायद अब विभागले पठाउछ होला कार्यालय प्रमुख झाले भने । बन कार्यालय मात्र हैन कृषि सेवा केन्द्र ,पशु सेवा केन्द्र , यस क्षेत्रका स्वास्थ्य चौकिका कर्मचारी लामो समय देखि गएका छैनन । वेला बेला स्थानीयवासीहरु कर्मचारी पठाई दिन माग गर्दै जिल्ला सदरमुकामसम्म धाउने गरेका छन ,स्थानीय प्रशासनले सम्बन्धित कार्यालयलाई कार्य क्षेत्रमा पठाउन निर्देशन दिए पनि कार्य क्षेत्रमा कर्मचारी नजाँदा सेवाग्राही मर्कामा छन ।
मुगु न्युज डट कम---------------------
पौष १६ मुगु --------------------
बैद्यले नेतृत्व गरेको नेकपा माओवादीबाट अलगिएर नेत्र विक्रम चन्द विप्लवले नेकपा माओवादी गठन गरे पछि मुगुमा भने १६ जना विप्लव पक्षमा गएका छन ।
मदनबहादुर रोकायाको संयोजकत्वमा विप्लव समुहको नेकपा माओवादीको १६ सदस्यीय जिल्ला कमिटि गठन गरिएको छ । सेक्रेटरीमा रंगविर परियार र सह सेक्रेटरीमा सिदान्त सावत रहेका छन । एकिकृत माओवादीबाट वैद्य अलग हुँदा जिल्लाको शक्तिशाली धार नेकपा माओवादीमा प्रवेश गरेको थियो । अहिले विप्लब अलगिदा ६५ सदस्यीय जिल्ला कमिटीबाट १६ जनामात्र गएका छन । नेकपा माओवादीका केन्द्रीय सदस्य मंगलबहादुर शाही , जिल्ला सेक्रेटरी विर्खबहादुर थापा, संविधान सभाका सभासद समेत बनेका नवराज धामी लगायतका नेताहरु भने वैद्य पक्षमा नै बसेका छन । अहिले जिल्ला स्तरका केही नेताहरु खुलेर विप्लव पक्षमा नगए पनि उनिहरुले मौन सर्मथन जनाएका र भुमिगत हुनु पर्ने अवस्था आए सहभागि हुने तयारी गरिरहेको स्रोतले बताएको छ ।
भुमिगत भएर सशस्त्र आन्दोलनमा जान सकिने विप्लव पक्षको भनाई आएपछि एकिकृत नेकपा माओवादीका धेरै जिल्ला स्तरिय नेता कार्यकर्ताहरु पनि विप्लव पक्षमा आउने तयारी गरिरहेका स्रोतको भनाई छ । विप्लव पक्षिय माओवादीले कार्य समितिको नाम सार्वजनिक नगरे पनि स्रोतका अनुसार सदस्यहरुमा लालु धामी, अदानसिंह कार्की, मदन परियार, दानसिंह परियार, अडिक बुढा, नौला सिंह विक, झिमबहादुर भण्डारी, केवल मल्ल,दानबहादुर शाही, शेरबहादुर शाही र हिमाल विक रहेका छन । एकिकृत माओवादी र अहिले बैद्य पक्षमा रहेका जिल्ला स्तरिय नेताले विप्लव पक्षिय माओवादीमा आउने आश्वासन दिएका कारण जिल्ला कमिटीको नाम सार्वजनिक गर्न ढिलाई भईरहेको र अबको केही दिनमा नै सार्वजनिक गरिने स्रोतको भनाई छ । अहिले विप्लव पक्षसंग गएका केवल मल्ल, हिमाल विक,झिमबहादुर भण्डारी, नौलासिंह विक,अडिक बुढा,कालिबहादुर रावल केन्द्रीय सदस्य मंगलबहादुर शाहीका अति निकट र विश्वास पात्रका रुपमा चिनिएका थिए ।
मुगु न्युज डटकम-----------------------
मुगु पौष १५ -----------------------
बैक तथा वित्तिय संस्था भनेका नागरिको नगद बचत गर्ने सुरक्षित क्षेत्र मानिन्छ तर राष्ट्रिय बाणिज्य बैंक मुगु शाखाबाट नागरिकको बैक खाताबाट बैंक कर्मचारीको मिलेमतोमा रकम चोरी भएको खुलासा भएको छ ।
राष्ट्रिय बाणिज्य बैक मुगु शाखाका लेखापाल शिवलक्ष्मी थापाको मिलेमतोमा नेपाल राष्ट्रिय माध्यामिक विद्यालयका प्रधानाध्यापक बिक्रम बहादुर शाहीले आफ्नै विद्यालयका शिक्षक र अन्य सर्वसाधारणको बैकमा रहेको खाताबाट बेला बेला लाखौ रकम झिकेको पाईएको छ । शाहीले आफ्नै विद्यालयका शिक्षक हंशजंग शाहको राष्ट्रिय बाणिज्य बैकमा रहेको खाता नम्बर ७६१२ बाट०७१ असोज २४ गते १८ हजार रकम झिकेका थिए । सोही विद्यालयका अर्का शिक्षक खडक बहादुर बुढाको खाता नम्बर ४०६०००९२०११० बाट असोज १३ गते शाहीले २५ हजार ५ सय रकम झिकेको बैक अभिलेखमा उल्लेख छ । यि दुवै जनाले विद्यालयको अर्ध वार्षिक परिक्षा सकेर सदरमुकाममा आई आफ्नो बैक खाताबाट रकम झिक्न खोज्दा रकम चोरी भएको थाहा पाएको शाह र बुढाले बताए ।
प्रधानाध्यापक शाहीले आफ्नै विद्यालयमा कार्यरत शिक्षकसंगै गमगढी बजारमा आर्ट व्यवसाय सञ्चालन गर्दै आईरहेका भिई गाविसका प्रदिप बुढाको बैक खाता नम्बर ६९०३। १० बाट कार्तिक ४ गते २० हजार रकम झिकेका थिए । आफ्ना बुवा विरामी भए पछि उपचार गर्न रकम झिक्न जाँदा आफुले काटेको चेकमा उल्लेख भएको रकम बैकले छैन भन्दा पौष ४ गते बैंक स्टेटमेन्ट मागेर हेर्दा विक्रम शाहीले २० हजार रकम झिकेको थाहा पाएको प्रदिपले बताए । शाहीले यसरी आफ्नो खाताबाट बैक कर्मचारीको मिलेमतोमा किर्ते गरि रकम चोरी गरेको थाहा पाए पछि पिडीत तीनै जनाले राष्ट्रिय बाणिज्य ब्रकमा आवश्यक कार्वाही र रकम अशुली गरिदिन निवेदन दिएका छन । शाहीले अघिल्लो वर्ष आफना विद्यालयका शिक्षकहरुको एक एक महिनाको तलब समेत खाई दिएको शिक्षकहरुले बताएका छन । शाहीले विद्यालय नगई सदरमुकाम स्थित आफ्नै घरमा विद्यालय प्रशासन सम्पर्क कार्यालय खोलेका र विद्यालयमा धेरै अनियमितता गर्दा वेला वेला शिक्षा कार्यालयमा मुर्मा गाउँका सर्व साधरण डेलिगेशनमा आउदा शाहीले केटा लगाएर गाउँलेलाई कुटाउन खोजेको पनि शिक्षकको भनाई छ । त्यस्तै गुरु मावि भिईका शिक्षक उमेर बुमीले विद्यालयको बैक खाताबाट दुई लाख ५८ हजार बैंक कर्मचारी शिवलक्ष्मी थापाकै मिले मतोमा रकम झिकेका थिए । त्यस्तै ०७१ वैशाख पाँच गते गरिवी निवारण कोष अन्र्तगत जन कल्याण ग्रामीण विकास तथा अनुसन्धान विकास केन्द्र मार्फत फोतु गाविसको लिब्रु लघु जल विद्युत आयोजना निर्माण समितिको पैसा पनि चोरी भएको पाईएको छ । निर्माण समितिको बैंक खाता नम्बर २९२८ बाट १४ लाख ५० हजार रकम गायब भएको र समयमा काम नभए पछि गरिवी निवारण कोषले बैक खाता रोक्क गरिएको थियो । समुहका मान्छेहरुले विद्युत सामाग्री ढुवानी गर्न भन्दै पैसा झिक्न बैंक पुग्दा रकम गायब भएको थाहा पाएका स्थानीय प्रेम बहादुर शाहीले बताए । तर रकम कसले झिकेको पत्ता लगाउन नसकेको र अहिले खोजी भईरहेको शाहीले बताए । अर्काको बैक खाता नम्बर पत्ता लगाएर बैक कर्मचारीको मिलेमतोमा विक्रम शाहीले अर्जेन्ट एक प्रति चेक मागेर किर्ते हस्ताक्षर गरि रकम झिकेको बताईएको छ । बैक खाताबाट नागरिकको व्यक्तिगत खातामा रहेको रकम चोरी भएको जानकारी आएपछि बाणिज्य बैकलाई नियम अनुसार दोषीलाई कारवाही गर्न बाणिज्य बैंक र जिल्ला शिक्षा कार्यालयलाई निर्देशन दिई सकेको जिल्ला प्रशासन कार्यालयका प्रमुख जिल्ला अधिकारी शम्भुप्रसाद रेग्मीले जानकारी दिए ।
हाम्रै कर्मचारीले आर्थिक प्रलोभनमा परि अरुको बैक खाताको रकम किर्ते गरि झिक्न सहयोग गरेका रहेछन अहिले हामीले रकम चोरीमा संलग्न बैक कर्मचारी शिवलक्ष्मी थापालाई निलम्बन गरिसकेका छौ । रकम किर्ते गरि झिक्नेलाई कार्वाहीको प्रक्रिया समेत अगाढी बढाई सकेका छौ , राष्ट्रिय बाणिज्य बैक लिमिटेड मुगुका प्रबन्धक गान्धीराज विसीले बताए ।
सरकारी स्वामित्वमा रहेको बाणिज्य बैकबाट आफनो खाताबाट रकम चोरी भए पछि बैंक प्रतिको विश्वास हराएको र आफुले रकम सहकारीमा जम्मा गर्ने तयारी गरिरहेको पिडीत प्रदिप बुढाले बताए ।

