नेपालगञ्जमा पराई भए गरिमा र गोविन्द

नेपालगञ्ज निवासी नायक तथा निर्माता गोविन्द शाही, नायिका गरिमा पन्त सञ्चार महोत्सवमा सहभागी हुन नेपालगञ्ज आइपुगेका छन । नेपालगञ्ज आएका शाही र पन्तले आफुद्घारा अभिनित चलचित्र ‘पराई’ को पनि प्रचारप्रसार गरेका छन् । निर्माता शाहीले ‘पराई’ सिनेमावाट निकै आशावादी रहेको वताउँदै पश्चिमाञ्चलवासीले राम्रो साथ दिएकै कारण आफु एउटा उचाइमा पुगेको वतए ।नायिका पन्तले ‘पराई’ कुनै पृथक सिनेमा नभएर नेपाली समाजमा हुने गरेका यथार्थ घटनाहरुलाई बुनेर तयार भएको वताइन । पहिलो पटक नेपालगञ्ज आएकी पन्तले पछिल्लो समयमा दर्शकहरु नेपाली चलचित्र भल्गर हुन्छ भनेर हलसम्म जान डराएकै कारण सिनेमाहरु असफल भएको बताइन् ।

आफुले अभिनय गरेको डेढ दर्जन बढी फिल्ममा भल्गर नभएको वताउदै उनले ढुक्क भएर ‘पराई’ हेर्न जान दर्शकलाई आग्रह पनि गरिन् । गोविन्द शाही, कुन्ती शाही, दिपक शाहीको निर्माणमा तयार भएको ‘पराई’ लाई शिव रेग्मीले निर्देशन गरेका हुन् ।

साउनको दोश्रो साताबाट प्रदर्शनमा आउने भनिएको यो सिनेमामा वसन्त सापकोटाको संगीत, शम्भु सापकाटाको छायांकन छ । चलचित्रमा राजवल्लभ कोइराला, गोविन्द शाही, गरिमा पन्त, निरज बराल, नन्दिता केसी, रेजिना उप्रती लगाएतको प्रमुख भुमिका छ ।

संचार महोत्सवमा गोविन्द र गरिमाले नृत्य प्रस्तुत गर्नेछन् ।

लेबलहरू: मनोरंजन