गुलरिया,  २९ साउन ।, बर्दिया सदरमुकाम गुलरियामा दिनदहाडै चितुवाको आक्रमणबाट २ जना घाईते भएका छन् । आज बिहान ११ बजे तिरको समयमा वडा नम्वर ६ मा एक्कासी देखा परेको चितुवाले आक्रमण गर्दा स्थानिय २१ वर्षिय कृष्ण गुप्ता र जनज्योती उच्च मावि गुलरियामा कक्षा ६ मा अध्यनरत १२ वर्षिय शुशिल चन्द घाईते भएका हुन् ।

घाईते चन्दलाई थप उपचारका लागी नेपालगन्ज ल्याईएको छ भने गुप्तालाई सामान्य उपचार पछि घर पठाईएको छ । उनीहरुलाई आक्रमण गरे लगत्तै नजिकै रहेको दलित महिला उत्थान संघको कार्यालयमा प्रवेश गरेको चितुवालाई स्थानियले कार्यालयभित्रै थुनेका छन् । चितुवाबीच बजारमै प्रवेश गरेपछि गुलरिया बजारमा आंतक मच्चिएको छ ।