निजी विमान कम्पनिको मन परि÷ एक तर्फि हवाई भाडा सत्र हजार
मुगु न्युज डट कम,
यात्रु चापको फाईदा उठाउदै मुगु स्थित रारा विमान स्थलमा उडान भर्ने निजी कम्पनिका जहाँजले मन परि भाडा असुल्न थाले पछि मुगु देखि व्यक्तिगत काममा र विरामी परि उपचार गर्न सुर्खेत, नेपालगञ्ज र राजधानी जाने यात्रुहरु मर्कामा परेका छन ।
नेपालगञ्ज ,सुर्खेत देखि मुगु सम्मका लागि ६ हजार देखि १० हजार र मुगु देखि नेपालगञ्ज सुर्खेत सम्मका लागि ६ हजार देखि ८ हजारसम्म हवाई भाडा लिनु पर्ने भए पनि अहिले गोमा एयरको जहाँजले मुगु देखि सुर्खेत नेपालगञ्जसम्मको भाडा ८ हजार देखि १७ हजार अशुल्न थालेपछि विरामी र सर्व साधारण, विद्यार्थी मर्कामा परेका छन ।
गोमा एयरले कहिले हुम्ला देखि टच फ्लाईट त कहिले यात्रु र लोड नभएकाले चार्टर उडान गर्नु पर्ने भन्दै १७ हजारसम्म एकतर्फि भाडा अशुल्न थाले पछि सर्वसाधारण मर्कामा परेका परेका हुन । अहिले नेपाल वायु सेवा निगमको उडान हप्तामा मुश्किलले एक पटक हुने र तारा एयरको उडान पनि कमै हुने भएकाले गोमा एयरले मन परि भाडा अशुल गरिरहेको यात्रुहरुले बताएका छन । तारा एयर, काष्ठमण्डप , मकालु एयरले समेत चार्टर गर्नु परे १७ हजार नै लिन थालेको पनि सर्व साधारण र हवाई यात्रुको भनाई छ ।
निजी कम्पनिका विमानहरुले मनपरि भाडा अशुल्न थालेको गुनासा आउन थालेपछि शनिवार सदरमुकाम गमगढीमा बसेको सर्व पक्षिय बैठकले तत्काल हवाई भाडा घटाउन स्थानीय प्रशासनलाई आवश्यक पहल चाल्न अनुरोध गरेको छ भने सम्बन्धित विमान कम्पनिका कर्मचारीको मन परिलाई नियमन गर्न समेत आग्रह गरेको छ ।
0 comments
बिचार लेख्नुहोस्..