कान्तिपुर बर्ष व्यक्तिमा पर्न अभिनेत्री रेखा थापाले फ्ल्यास ब्याकको रहस्य खोलेकी छिन् । राजेश हमालले पहिलो फिल्म ‘हिरो’ मा निकाल्न खोजेको रहस्य रेखाले बताएकी छिन् ।

 

कान्तिपुरसँगको विशेष कुराकानीमा रेखाले भनेकी छिन्, ‘निर्देशक नरेश पौड्याल र निर्माता छवि ओझाले मलाई मन पराए तर बाधक बने राजेश हमाल ।’ रेखाले भनेकी छिन्, ‘सानी भएँ भनेर राजेश दाईले त मलाई फिल्मबाटै पो निकाल्न खोज्नुभयो ।’ यसको जवाफमा आफुले ‘अकाल’ फिल्ममा बुढो हिरोसँग फिल्म खेल्दिन’ भनिदिएको रेखाको जवाफ छ ।

 

पहिलो फिल्म ‘हिरो’ सफल भएपछि राजेश र रेखाले दर्जन बढी फिल्म सँगै अभिनय गरेपनि ‘अकाल’ पछि भने उनीहरुको जोडी दोहोरिएको छैन । सम्पूर्ण काम सकिएपनि राजेश र रेखाको जोडी जमेको फिल्म 'अकाल' रिलिज हुन सकेको छैन । निर्देशक नीर शाहले वितरकलाई सम्पूर्ण जिम्मा दिएकाले रिलिजको बारेमा खासै ज्ञान नभएको बताए । यो फिल्मलाई मनोज राठी र उज्जवल पौडेलको समूहले रिलिज गर्नेछ ।

 

निर्देशक श्याम भट्टराईको निर्देशनमा यही फागुन १५ गतेदेखि फिल्म ‘हिम्मतवाली’को छायाँकन प्रारम्भ गर्न लागेकी अभिनेत्री रेखा थापालाई बधाई ! कान्तिपुर राष्ट्रिय दैनिकले आफ्नो २१ बर्षिकोत्सवको अवसरमा प्रकाशित गरेको वर्षका दशमा फिल्म क्षेत्रबाट अभिनेत्री रेखा थापा पर्न सफल भएकी छिन् ।

 

अभिनेत्री रेखासँगै राजनीतिबाट गगन थापा, उद्द्योग/ व्यावसायी चन्द्र ढकाल, पेशाकर्मी डा.गोविन्द केसी, प्रशासन/ सुरक्षा/ न्याय/ कुटनीति/ संवैधानिक अंगबाट लोकमानसिंह कार्की, लेखक झमक घिमिरे, कलातर्फ हरिवंश आचार्य, फुटबल खेलाडी पारस खड्का, समाज सेवातर्फ डा. गोविन्द केसी र विज्ञान, सुचना तथा प्रविधिमा महाविर पुन कान्तिपुरको वर्ष दश भित्र पर्न सफल भएका छन् ।

फिल्मीखबर, साभार गरिएको